बाल अधिकार समिति गठन

पहुरा समाचारदाता
मसुरिया, १५ सावन । कैलालीके गौरीगंगा नगरपालिका वडा नम्बर १० मे वडा अध्यक्ष नरसिंह सार्कीके अध्यक्षता ९ सदस्य बाल अधिकार समिति गठन करल बा । समितिसे बालबालिकाहुकन उप्पर हुइना हिंसा बाल बिवाह जैसिन घटनाहे हेर्ना अध्यक्ष नरसिहं बटैलै ।

कार्यक्रममे स्वास्थ प्रमुख, शिक्षक, बालक्लव, स्वास्थ्य स्वयं सेविका, वडा सचिवलगायतके उपस्थिति रहे । कार्यक्रम बाल कल्याणके सामाजिक परिचालक प्रेम चौधरी सहजीकरण करले रहिट ।