अगहन ४ गते प्रतिनिधि तथा प्रदेशसभा निर्वाचन कैना सरकारके निर्णय

पहुरा समाचारदाता
काठमाडौं, १९ सावन । नेपाल सरकारसे अइना अगहन ४ गते प्रतिनिधि तथा प्रदेशसभाके निर्वाचन कैना निर्णय करले बा ।

बिफेक बैठल मन्त्रिपरिषद्के बैठकसे उ निर्णय करल सहरी विकास मन्त्री मेटमणि चौधरी जानकारी डेलै । सरकार प्रतिनिधि तथा प्रदेशसभाके निर्वाचन अगहन ४ गते एक्के चरणमे कैना निर्णय करल हो । यी आघे गृहमन्त्री बालकृष्ण खाँण मन्त्रिपरिषद्के बैठकमे चुनावके मिति घोषणा कैना प्रस्ताव लैगिल जानकारी डेहल रहिट ।

बुधके साँझ सत्तारुढ गठबन्धनके बैठकके चुनावके मितिबारे सहमति करल रहे ।