कोरोना संक्रमित एकके मृत्यु

पहुरा समाचारदाता
धनगढी, २० सावन । कैलालीके सेती प्रादेशिक अस्पतालमे एक कोरोना संक्रमितके मृत्यु हुइल बा ।

अस्पतालके आईसीयूमे उपचाररत कञ्चनपुरके भीमदत्त नगरपालिका ६ के ५० वर्षीय पुरुषके शुकके सकारे ८ बजके ५ मिनेटके समयमे मृत्यु हुइल हो ।

अल्कोहोलिक हेपाटाईटिसके बिरामी रहल उहाँहे कोरोना टेष्ट करेबर पोजेटिभ डेखलपाछे बिफेक रोज अस्पतालके आईसीयूमे राखके उपचार कैगिल रहे ।

ओहकान उपचारके क्रममे मृत्यु हुइल सेती प्रादेशिक अस्पतालके सूचना अधिकारी दिलिप कुमार श्रेष्ठ जानकारी डेलै ।