गोहुवक उद्धार

पहुरा समाचारदाता
सुखड, २१ सावन । कैलालीमे बस्ती लग्गे आइल गोहुवक उद्धार करल बा । घोडाघोडी नगरपालिका–५, सितलपुरसे एक वयस्क गोहुवक उद्धार करल सव डिभिजन वन कार्यालय सुखडके प्रमुख विश्वराज पण्डित बटैलै ।

सितलपुर खानेपानी उपभोक्ता समितिके कार्यालय परिसरमे फेला परल करिब साढे चार फिट लम्मा गोहुवक वनके कर्मचारी उद्धार करल सव डिभिजन वन कार्यालय सुखड प्रमुख पण्डित बटैलै ।

२० किलो तौल रहल मगर गोहुवक उद्धार कैके घोडाघोडी टल्वामे छोरल हो । स्थानीय समयमे वन कर्मचारीहे खबर करलपाछे कौनो क्षति हुइ नैपाइल बटाइल बा । बर्खा याममे विशेष कैके मगर गोह, साप ओ अजिङ्गर मनैनके बसोबास रहल क्षेत्रमे अइना करल बाटै ।

एक अँठ्वार आघे किल चिसापानी बजारसे अजिङ्गर उद्धार करल रहे । वन्यजन्तु उद्धार सम्बन्धी तालिम, उपकरण तथा दक्ष जनशक्ति नैहोके उद्धारमे समस्या हुइना करल कर्मचारी बटैठै । बर्खा याममे जंगली जनावरीनसे विशेष सतकर्ता अपनैना आग्रह करल बा ।