भोज करल एक महिनामे एक युवतीके मृत्यु
पहुरा समाचारदाता
धनगढी, २१ सावन । कैलालीमे प्रेम विवाह करल एक महिना नैपुग्टी एक युवतीके मृत्यु हुइल बा । दैलेखके गुँरास गाउँपालिका–२ से भागके कैलालीके जानकी गाउँपालिका–६ जगतपुर बैठुइया भरत भण्डारी (अर्जुन) से प्रेम भोज करल १९ वर्षीय विष्णु रावलके मृत्यु हुइल प्रहरी जनैले बा ।
इलाका प्रहरी कार्यालय टीकापुरके प्रमुख प्रहरी नायब उपरीक्षक ९डीएसपी० हेमबहादुर शाही बिफेक रोज दिनके मृतकके गोसिया रावलहे उपचारके लाग टीकापुर अस्पताल लैगिल ओ उहे क्रममे ओहकान मृत्यु बटैलै ।
रावल झुलके आत्महत्या प्रयास करल अवस्थामे गोसिया लसरी काटके अस्पतालमे पुगाइल प्रहरी जनैले बा । अस्पतालमे चिकित्सक मृत घोषणा करल रहिट ।
घटनाके अनुसन्धानके लाग मृतकके गोसियाहे प्रहरी नियन्त्रणमे लेहलमे शुकके आफन्तके जिम्मा लगाइल प्रहरी जनैले बा । मृतकके लहेर पक्षसे भर घटना शंकास्पद रहल ओरसे निष्पक्ष अनुसन्धानके माग करले बाटै ।
मृतकके दिदी जमुना रावल प्रेम भोज कैके आपनखुसी घरसे कैलाली भागल विष्णु घटना हुइल दिनसमेत डाइसे बातकरल बटैटी ओकर कुछ घण्टामे मृत्युके खबर आइल ओरसे घटना शंकास्पद रहल बटैली ।
