विद्युत सर्ट होके घरमे आगलागी

पहुरा समाचारदाता
सुखड, २१ सावन । कैलालीके घोडाघोडीमे विद्युत सर्ट होके एक घरमे आगलागी हुइल बा ।

कैलालीके घोडाघोडी नगरपालिका–१० घुम्नीभाकलमे रातके एक घरमे आगलागी हुइल स्थानीय जानकारी डेले बाटै । विद्युत सर्ट होके स्थानीय नेत्र चौलागाइँके घरमे आगलागी हुइल स्थानीय दधिराम चौलागाइँ जानकारी डेलै ।

रात १ बजेओर विद्युत पटकल आवाज सुनलपाछे घरमे आगलागी हुइल ओ स्थानीय तथा गाउँवासी मिलके बुटाइल बटैलै । आगलागीसे घरमे ढारल अन्नबाली, नगद, अति आवश्यक कागजात सक्कु नष्ट हुइल जनाइल बा ।