लागुऔषध सहित २ पक्राउ

पहुरा समाचारदाता
धनगढी, २२ सावन । लागुऔषध सहित २ जाने पक्राउ परल बाटै । कञ्चनपुरके बेलौरी नगरपालिका वडा नम्बर ६ बैशाखासे लागुऔषध सहित २ जनहनहे पक्राउ करल प्रहरी जनैले बा ।

ईलाका प्रहरी कार्यालय बेलौरीसे खटल प्रहरी टोली भारतसे नेपाल अइटी रहल शुक्लाफाँटा नगरपालिका वडा नम्बर १० झलारी बैठुइया २४ वर्षीया दिपेन्द्र सिंह बिष्ट ओ उहे ठाउँके किशोर थापाहे प्रहरी नियन्त्रणमे लेहल बटाइल बा ।

ओइनठनसे १८.४९ ग्राम लागुऔषध खैरो हेरोईन फेला परल जिल्ला प्रहरी कार्यालय कञ्चनपुर जनैले बा । उहाँहुक्रे सवार म.१ प ३९७८ नम्बरके मोटरसाइकल ओ ओइनहे नियन्त्रणमे लेके अनुसन्धान कैटी रहल जनाइल बा ।