सेतीहे दुई सय शय्यामे स्तरोन्नति कैना निर्णय

पहुरा समाचारदाता
धनगढी,२४ सावन । सेती प्रादेशिक अस्पतालहे दुई सय शय्यामे स्तरोन्नति कैना निर्णय हुइल बा ।

मंगरके रोज सुदूरपश्चिम प्रदेशके मन्त्रिपरिषद् बैठकसे प्रादेशिक अस्पतालहे दुई सय शय्यामे स्तरोन्नति कैना निर्णय करल सामाजिक विकास मन्त्री गोविन्दराज बोहरा जानकारी डेलै ।

सेती अस्पताल नेपाल सरकारसे ५० ओ आन्तरिक स्रोतसे ७५ करके १२५ शय्यामे सञ्चालन हुइटी रहल बा । स्तरोन्नतिके प्रस्ताव पारित करल राज्यमन्त्री टेक बहादुर रैका बटैलै । सेती प्रादेशिक अस्पतालहे ३९ बर्षपाछे स्तरोन्नति करल हो ।