संगम सहकारीके दशौं बार्षिक साधारण सभा

अध्यक्षमे मनमोहन विष्ट चयन

पहुरा समाचारदाता
धनगढी,३ भदौ । संगम बचत तथ ऋण सहकारी संस्था लिमिटेडके दशौ बार्षिक साधारणसभा शुकके रोज धनगढीमे सम्पन्न हुइल बा ।

नेफस्कोनके संचालक तथा प्रदेश बचत तथा ऋण सहकारी संघके अध्यक्ष माधव प्रसाद जोशीके वडका पहुनामे हुइल कार्यक्रममे उहाँ सहकारी क्षेत्र रोजगारी सृजनाके कैजाके बेरोजार यूवाहुकनहे उद्यमी बनैनामे भारी योगदान रहल बटैले बटै । संगम सहकारी छोट समयमे मजा प्रगति करल मने कुछ सहकारीके कारण सहकारी क्षेत्र बदनामित हुइटी रहल ओरसे सजकता अपनैना उहाँ आग्रह करलै । कार्यक्रममे विशिष्ट पहुना जिल्ला सहकारी संघ कैलालीके अध्यक्ष फणिराज सापकोटा जिल्लामे दर्ता हुइल सहकारीके भुमिका अभिनसम मजा डेखल बटैलै । उहाँ कहलै, ‘केन्द्रमे दर्ता हुइल सहकारीके नाउँमे बदमासी हुइल डेखल, सुनल बा, मने यहाँ भर ओसिन रेकर्ड नइहो ।’

बार्षिक साधारण सभा कार्यक्रममे सुप थोक उपभोक्ता विशिष्किृत सहकारी संघ लिमिटेडके अध्यक्ष तथा उदयदेव बहुउद्देश्यीय सहकारी संंस्था लिमिटेडके कार्यकारी प्रमुख गणेश बहादुर चन्द, राष्ट्रिय सहकारी बैंकके धनगढी शाखाके प्रमुख कृष्ण रावल, धनगढी उपमहानगरपालिकाके सहकारी विकास शाखा प्रमुख तथा संस्थाके निर्वाचन उपसमितिके संयोजक हरिसिंह साउद, सहकारी रजिष्टार कार्यालयके प्रतिनिधि तथा संस्थाके निर्वाचित उपसमितिके सदस्य देवराज पन्त, नेफस्कोन धनगढी फिल्ड कार्यालयके इन्चार्ज तथा संस्थाके निर्वाचन उपसमितिके सदस्य योगेश बोहरा ओ समाजसेवी गजेन्द्र सिंह लगायत सहकारीके दशौ बार्षिक साधारणसभाके सफलताके शुभकामनाके व्यक्त करले रहिट । संस्थाके अध्यक्ष नरेश बहादुर विष्टके अध्यक्षतामे कार्यक्रममे स्वागत मन्तव्य संस्थाके निमित्त व्यवस्थापक बसन्तीसिंह बोहरा ओ संचालन मनमोहन विष्ट करले रहिट ।

बार्षिक साधारण सभाके उदघाटन कार्यक्रममे उत्कृष्ट बचत सदस्य ओ सेवा केन्द्रहे सम्मान करल बा । सम्मानित हुइलमे अत्तरिया सेवा केन्द्रके सुरेशकुमार अग्रवाल, गौरीगंगा सेवा केन्द्रके प्रेमकुमारी चौधरी, मनेहरा सेवा केन्द्रके हिरा कुवँर, फुलवारी सेवा केन्द्रके खेम बहादुर गोले, हसुलिया सेवा केन्द्रके सिर्जनाकुमारी कठरिया, धनगढी प्रधान कार्यालयके महेश रावल सम्मानित हुइल बटै ।

सस्थाके अध्यक्षमे मनमोहन विष्ट सर्वसम्मत चयन
संगम बचत तथ ऋण सहकारी संस्था लिमिटेडके शुकके रोज धनगढीमे दशौ बार्षिक साधारणसभासे मनमोहन विष्ट अध्यक्ष पदमे सर्वसम्मत निर्वाचिन हुइल बटै । संस्थाके उपाध्यक्षमे रघुविर भट्ट, सचिवमे केदारनाथ भट्टराई, कोषाध्यक्षमे हेमराज पाण्डेय चयन हुइल बटै । ओस्टेक सदस्यमे रोशनकुमार कर्ण, शान्तीदेवी जोशी ओ प्रिया खडका चयन हुइल बटै । ओस्टेक लेखा सुपरिवेक्षण समितिके संयोजकमे दिपकराज जोशी, सदस्यमे थानेश्वर खराल, कालुराम चौधरी चयन निर्वाचन अधिकृत हरिसिंह साउद बटैलै । सहकारीके निर्वाचन कार्यतालिका अनुसार संचालक समिति ओ लेखा सुपरिवेक्षण समितिके उम्मेदवार उप्पर कौनोफे पदमे दावी विरोध नइपरलपाछे निर्विरोध चयन हुइल बटैलै ।

सस्थासे आर्थिक बर्ष २०७८ ÷ २०७९ सालके असार मसान्तसम्मके सेयर पुँजी २ करोड ६९ लाख ८२ हजार रहल जनागिल बा । साधारण जगेडा कोष १ करोड ६२ लाख ६४ हजार ५ सय ७७ रुपया पैसा १८, अन्य कोष ९८ लाख २२ हजार ९ सय २ रुप्या पैसा १०, कर्जा जोखिम व्यवस्था १ करोड ४ लाख २२ हजार ९ सय ४२ रुप्या पैसा ७८, निक्षेप हिसाव (संस्थामे बचत रहल) २७ करोड ६ लाख ६१ हजार ३ सय ४८ रुप्या पैसा ७३, कर्जा तथा सापटी ९ करोड ९० लाख ९ हजार ९ सय ३४ रुप्या पैसा ५३ ओ अन्य दायित्व तथा व्यवस्था २ करोड १२ लाख ६३ हजार ९ सय ६० रुप्या पैसा ४९ करके जम्मा दायित्व ४५ करोड ४४ लाख २७ हजार ६ सय ६५ रुप्या पैसा ८१ रहल सहकारी जनैले बा ।

ओस्टेक करके सम्पत्तिओर स्थिर सम्पति ७६ लाख ४७ हजार ३ सय ८२ रुप्या पैसा ६१, नगत तथा बैंक मौज्दात ७ करोड ५९ लाख ३ हजार ४ सय ८७ रुप्या पैसा १७, लेहे पर्ना अग्रीम तथा स्टक हिसाव १ करोड ९५ लाख ८३ हजार ९ सय ९ रुप्या पैसा ९०, कर्जाओर लगानी ३४ करोड ७२ लाख ६३ हजार ८६ रुप्या पैसा ३४, अन्य लगानी ४० लाख २९ हजार ८ सय रहल बा । संस्थाके कुल सम्पति ४५ करोड ४४ लाख २७ हजार ६ सय ६५ रुप्या पैसा ८२ रहल जानकारी डेहल बा ।