गौरीगंगामे कृषि व्यवसाय सेवा प्रदायक संजाल गठन

पहुरा समाचारदाता
मसुरिया, ६ भदौ । कैलालीके गौरीगंगा नगरपालिकामे कृषि व्यवसाय सेवा प्रदायक संजाल गठन कैगिल बा ।

सोम्मारके रोज चौमालामे आयोजित एक कार्यक्रममे दिगो विकास समाज भजनी, वल्र्ड भिजन इन्टरनेशल नेपाल ओ डिफयाटसे संचालित महिला तथा आप्रवासीहरुको आर्थिक पुनस्र्थापना परियोजना उ संजाल गठन हुइल हो ।
गौरीगंगा नगरपालिकाके नगर प्रमुख देवीदत्त कडेल वडका पहुना ओ प्रमुख प्रशासकीय अधिकृत हरिदत्त भट्ट विशिष्ट पहुनामे हुइल एक कार्यक्रम मार्फत उ संजाल हुइल रहे ।

संजालके संयोजकमे विनोद कुमार चौधरी, उप संयोजकमे होमराज सापकोटा,सचिवमे नरेश चौधरी ओ कोषाध्यक्षमे रेनुकला चौधरी रहल बटै । ओस्टेक सदस्यमे शंकर प्रसाद चौधरी, निर्मला चौधरी, रुईनी डगौराथारु, राम कुमार चौधरी, फिरतु राम चौधरी, रुपलाल चौधरी, जालुराम चौधरी, टंक प्रसाद चौधरी, दिपक बहादुर विश्वकर्मा, गौरीलाल चौधरी ओ चुन्नुराम चौधरी रहल बटै । कृषि व्यावसायसे उत्पादन करल टिना लगायत बस्तु स्थानीयस्तरसे प्रदेशसम पुगैटी बजारीकरणसमेट करेक लाग संजाल गठन करल हो ।

दिगो विकास समाज भजनीके सहसचिव धनीराज राजीके अध्यक्षतामे हुइल कार्यक्रममे गौरीगंगा नगरपालिका–१० के वडा अध्यक्ष नरसिंह सार्की अपन बाट राखल रहिट । कार्यक्रममे दिगो विकास समाजके परियोजना संयोजक आशिष उपाध्याय संस्थासे करटी गतिविधि ओ कृषि व्यवसाय सेवा प्रदायक संजालके काम, कर्तव्य ओ गठन प्रक्रियावारे जानकारी डेहल रहिट । कार्यक्रमके संचालन दिगो विकास समाजके सहजकर्ता मुकेश चौधरी करले रहिट । कार्यक्रममे, फिल्ड सहजकर्ता रमला चौधरी, सुरज चौधरी, पशु शाखा, कृषि शाखा लगायत वडा सदस्य, टमान कृषक समुह, सहकारीके प्रतिनिधिहुकनके सहभागिता रहल रहे ।