राज्यमन्त्री रैका सम्मानित

पहुरा समाचारदाता
धनगढी, ७ भदौ । नेपाली काँग्रेसके नेता सुदूरपश्चिम प्रदेश सरकारके सामाजिक विकास राज्यमन्त्री टेकबहादुर रैकाहे काठमाडौंमे सम्मान एवं अभिनन्दन कैगिल बा ।

राज्यमन्त्री रैका दलित एवं पाछे पारल वर्ग समुदायके नेतृत्व करटि राज्यके नीति निमार्ण करना उच्च तहमे पुग्न सफल हुइल कटि रैगाँई समाज काठमाडौं उहाँहे सम्मान ओ अभिनन्दन करल ।

राज्यमन्त्री रैकाहे काठमाडौंस्थित जनप्रतिनिधि, समाजसेवी, नागरिक समाज, स्थानीय लगायतहुक्रे सम्मान एवं अभिनन्दन करले रहैं । कार्यक्रममे राज्यमन्त्री रैका अप्ने शिक्षा, स्वास्थ्य, विकास निर्माण एवं सामाजिक सशक्तीकरण, समानताके क्षेत्रमे विशेष जोड डेके काम करल बटैलैं ।