ठेला व्यावसायीसे अनुज्ञापत्र लेहे पर्ना

पहुरा समाचारदाता
धनगढी, ८ भदौ । धनगढी उपमहानगपालिकाके नगर क्षेत्रमे संचालित ठेला व्यावसायीहुकनहे नगरपालिकामे दर्ता करे पर्ना ओ अनिवार्य अनुज्ञापत्र लेहे पर्ना निर्णय करल बा ।

धनगढी उपमहानगरपालिका क्षेत्रभिटर टमान मेरिक व्यवसाय करटी रहल ठेला व्यावसायीहुकनहे संघीय, प्रदेश सरकार ओ स्थानीय तहसे निर्धारण करल मापदण्ड ओ प्रचलित कानून बमोजिमके अधिनमे धारके जनस्वास्थ्यके अनुकुलता, उपभोक्ताके हित सरक्षणके साथे बजार व्यवस्थापनके लाग उ निर्णय करल नगरप्रमुख गोपाल हमाल बटैलै ।

बैठकसे ठेला व्यावसायीहुक्रे नगरपालिकासे तोकल ठाउँमे निश्चित ठाउँमे के व्यवसाय करे पैना कहल बा । ओस्टेक करके नियमित रुपमे बजार अनुगमनके लाग कार्ययोजना तयार करके स्वीकृत करल बा, अनुगमन क्लस्तरवाइल विषय क्षेत्रगत रुपमे आवधिक ओ छडके हुइना नगरपालिका जनैले बा ।