लक्कडमे झोलुङे पुलके उदघाटन

पहुरा समाचारदाता
हसुलिया, ११ भदौ । कैलाली जिल्लाके कैलारी गाउँपालिका–२ लक्कडमे झोलुङे पुलके उदघाटन कैगिल बा ।

सुदूरपश्चिम प्रदेशके प्रदेशसभा सदस्य विरमान चौधरीके प्रमुख आतिथ्य ओ कैलारी गाउँपालिका उपाध्यक्ष भगवतीकुमारी चौधरीके विशिष्ट अतिथि लक्कड–रामपुर एकलघरुवा जोरना कटैनी लडियामे बनल उ झोलुङे पुलके उदघाटन हुइल हो ।

लक्कड ओ रामपुर एकलघरुवा जोरना कटैनी लडियामे ७५ लाख ८४ हजार ४६४ रुप्यामे उ झोलुङे पुलके निर्माण लक्कड झोलुङे पुल निर्माण समिति जनैले बा ।

पुल उदघाटन कार्यक्रममे गाउँपालिकाके प्रवक्ता तथा वडा नम्बर ७ के अध्यक्ष दिपेन्द्रबहादुर बम, वडा नम्बर २ के अध्यक्ष विकास चौधरी, बुद्धिजिवी डबल ठकुल्ला लगायत मन्तव्य व्यक्त करले रहिट ।

झोलुङे पुल उदघाटन कार्यक्रममे माओवादी केन्द्रके प्रदेश सदस्य सरु चौधरी, नेपाली काँग्रेस कैलारी गाउँपालिका सभापति कृष्ण प्रसाद चौधरी, कैलारी–२ के वडा सदस्य टीका भुल, आशिक चौधरी, सन्तराम चौधरी, राजकला खनाल, नेपाली काँग्रेसके नविन बोहरा, लक्कड गाउँक भल्मन्सा बेचन चौधरी, माओवादी केन्द्र कैलारी–२ के वडा अध्यक्ष दयाशंकर चौधरी, कैलारी–२ के पूर्व वडा अध्यक्ष सन्तु चौधरी, प्राविधिक विनोदकुमार जोशी लगायतके सहभागिता रहल रहे । कार्यक्रम विरेन्द्र चौधरीके अध्यक्षतामे हुइल कैलारी गाउँपालिका उपाध्यक्षके स्वकीय सचिव कृष्ण चौधरी बटैलै ।