एभरेष्ट एकेडेमीसे खेलाडीनहे सम्मान

पहुरा समाचारदाता
अत्तरिया, २५ भदौ । एभरेष्ट एकेडेमी डोजो अत्तरियासे सितेरियो कराँतेमे ब्ल्याक बेल्ट तथा टमान प्रतियोगितामे पदक प्राप्त कैना सफल खेलाडीहे ब्ल्याक बेल्ट तथा सम्मान कार्यक्रम करल बा ।

गोदावरी नगरपालिका वडा नं. १ के अध्यक्ष तथा प्रवक्ता गोपाल दत्त भट्टके बर्का पहुनाइमे खेलाडीनहे सम्मान तथा व्ल्याक बेल्ट वितरण करल हो । स्थानीय, राष्ट्रिय तथा अन्तरराष्ट्रिय स्तरके प्रतियोगितमे पदक प्राप्त करल उदीयमान खेलाडीनहे सम्मान करल एकेडेमीके प्रिन्सीपल स्माइल चौधरी जनैले बाटै ।

खेलाडीनहे टीका, खादा तथा प्रमाणपत्र प्रदान कैके सम्मान करल रहे । सम्मान प्राप्त करुइया खेलाडीनमे रोशन भाट, हरेन्द्र नाथ, सागर सिंह, आशिका पण्डित, आशिक पण्डित, पवन गोर्खाली, आनन्द विक, पुजा सुनार, करन गुप्ता, सागर विक, तथा विष्णु विक रहल रहिट ।

साथे व्ल्याक बेल्ट प्राप्त करुइयामे सेकेण्ड डन ब्ल्याक बेल्ट प्राप्त करुइया सागर सिंह, तथा फस्ट डन ब्ल्याक बेल्ट प्राप्त करुइयामे इशा गोर्खाली, ईश्वर साउँद, आशिका पण्डित, लक्ष्मी रोकाया, रमित सार्की, दिपेश जोशी, रोशन सुनार, लोक सार्की, पवन गोर्खाली, करन गुप्ता, किरण ऐर, राजेश दमाई, मिसन भण्डारी, विवेक भट्टराई, रिसब रोकाया, नरेश विक रहल बाटै ।
उक्त अवसरमे २०६७ सालसे निरन्तर कराँते विकासके लाग मिहिनेत कैटी रहल कराँते प्रशिक्षक डम्मर साउँदहे फेन सम्मान प्रदान करल रहे ।