पहिल खेलमे कैलारीके युथस युनाईटेड भेट्रान टिम विजयी

पहुरा समाचारदाता
धनगढी,१६ कार्तिक । मनकामना युवा क्लव धनगढी उपमहानगरपालिका वडा न.१२ जुगेडासे आजोजना करल चौथा प्रदेश क्लव स्तरीय महिला÷पुरुष तथा भेट्रान फुटवल प्रतियोगिता २०७९ के यिहे बुधके रोज हुइल खेलमे कैलारी गाउँपालिकाके युथस युनाईटेड भेट्रान टिम विजयी हुइल बा ।

यिहे कार्तिक १५ से २१ गतेसम जुगेडामे हुइटी रहल प्रतियोगिताके पहिल खेलमे अपन प्रतिस्पर्धी कञ्चनपुरके पुनार्वास भेट्रान टिमहे हरैटी कैलारीके युथस युनाईटेड भेत्रान टिम विजयी हुइल हो । कैलारीके युथस युनाईटेड भेत्रान टिम ५ गोल कैना सफल हुइल कलेसे कञ्चनपुरके पुनार्वास टिम २ गोल करले रहे ।

प्रतियोगितामे पुरुष ओर विजेता हुइना टिम १ लाख १ हजार, उपविजेता टिम ५१ हजार १ सय, महिला समुहओर विजेता टिम ५० हजार, उपविजेता टिम ३५ हजार ट्रफी, प्रमाणपत्र ओ मेडल हात परही । प्रतियोगिताके उत्कृष्ट खेलाडी, सर्वाधिक गोलकर्ता, अनुशासित टिमहे समेत पुरस्कारके व्यवस्था रहल बा ।

ओस्टेक करके प्रतियोगितामे भेट्रानओर विजेता हुइना टिम ७१ हजार ओ उपविजेता ३५ हजार हात परही । कलेसे उ विधा समूह भेट्रान फुटबलमे उत्कृष्ट खेलाडी, सर्वाधिक गोलकर्ता, अनुशासित टिमहे समेत पुरस्कार राशीके व्यवस्था रहल बा ।