खेलाडी सम्मान कार्यक्रम

पहुरा समाचारदाता
हसुलिया, २७ कार्तिक । कैलारी युथस युनाईटेड क्लवके आयोजनामे अँटवारके रोज भेट्रान खेलाडीहुकनहे सम्मान करले बा ।

कैलारी गाउँपालिकाके अध्यक्ष राजसमझ चौधरीके वडका पहुनामे भेट्रान खेलाडीहुकनहे सम्मान कैगिल बा । कार्यक्रममे उहाँ खेलाडी राष्ट्रके गहना रहल बटैले बटै । खेलाडीहुक्रे खेलाके माध्यमसे कैलारीहे चिन्हैनामे सहयोग करलमे अइना दिनमे प्रगतिके शुभकामना व्यक्त करलै । उहाँ खेलाडीहुकनहे पालिकासे हुइना सहयोगमे कमी नइरख्ना प्रतिबद्धताफे जनैलै ।

ओस्टेक कार्यक्रमके विशिष्ट पहुनामे नेपाली काँग्रेस कैलारी गाउँपालिका सभापति कृष्ण चौधरी, मनिराम चौधरी रहल रहिट । ओस्टेक करके समाजसेवी थारु कल्याणकारी केन्द्रीय सदस्य तथा नेपाली कांग्रेस महासमिती सदस्य रामचरण चौधरी खेलाडीहुकनके ब्याग डेहे सहयोग करल रहिट ।

मनकामना युवा क्लव धनगढी उपमहानगरपालिका वडा न.१२ जुगेडासे आजोजना करल चौथा प्रदेश क्लव स्तरीय महिला÷पुरुष तथा भेट्रान फुटवल प्रतियोगितामे कैलारी युथस युनाईटेड क्लव प्रदेश क्लव स्तरीय भेट्रान फुटवल प्रतियोगितामे कुछ दिन पहिले केल विजयी हुइल रहे ।