भीमदत्तसे सह्रनिय काम

स्थानीय तहसे श्रम स्वीकृति प्रदान कैना कञ्चनपुरके भीमदत्त नगपालिका सुदूरपश्चिम प्रदेशके पहिल पालिका हो । कञ्चनपुरके भीमदत्त नगरपालिका सोम्मारसे व्यक्तिगत श्रम स्वीकृति तथा पुनः श्रम स्वीकृति डेना सुरु करले बा । वैदेशिक रोजगारमे जाइ चहुइया स्थानीय नागरिक नगरके रोजगार सेवा केन्द्रसे श्रम स्वीकृति लेहे सेक्ही । विगतमे श्रम स्वीकृति लेहे राजधानी काठमाण्डौँ जाइ पर्ना बाध्यता,समयमे काम नैहुइना, खर्च ढेर हुइना लगायतके ढेर समस्या वैदेशिक रोजगारमे जउइया व्यक्तिहुक्रे भोगे परल रहे । भीमदत्त नगरपालिकाके नगर उपप्रमुख तथा कार्यवाहक नगरप्रमुख नीलम लेखक जोशी खादा ओह्राके २ जाने स्थानीयहे सोम्मारके श्रम स्वीकृत प्रदान करल रहिट ।

सरकारसे श्रम स्वीकृत स्थानीय तहसे समेत प्रदान करे सेकजैना प्रावधान लानल टबसे हम्रे हमार कर्मचारीहुक्रे वैदेशिक रोजगारमे जउइया व्यक्तिहे जत्रा सेक्ना हाली नगरपालिकासे श्रम स्वीकृती प्रदान कैना मेरके काम करली नगरपालिकासे श्रम स्वीकृत प्रदान कैना सेवाके सुरुवात करल आबसे पहिलेक जस्टे समस्या स्थानयीहुक्रनहे भोगे नैपरी ।

पहिले इ श्रम स्वीकृति लेहे काठमाण्डौँ जाइ परे, वहाँ होटेलमे बैठे पर्ना, अइना जैना गाडी भाडा लगायत ढेर खर्च होए । खर्च हुइलेसे फेन समयमे काम नैहुइना, टमान प्राविधिक कारण डेखाके काम नैकैडेना लगायतके ढेर समस्या झेले पर्ना बाध्यता रहे । अब्बे अपने घर लग्गे नगरपालिकासे श्रम स्वीकृति पाई सेक्ही । चैत १६ गते नेपाल सरकार (प्रधानमन्त्री तथा श्रम, रोजगार तथा सामाजिक सुरक्षा मन्त्रालय) के मन्त्रीस्तरीय निर्णयसे वैदेशिक रोजगारमे जाइ चहुइया नागरिक सम्बन्धित स्थानीय तहसे श्रम स्वीकृति तथा पुनः श्रम स्वीकृति लेहे पर्र्ना निर्णय हुइल रहे । वैदेशिक रोजगार ऐन, २०६४ तथा वैदेशिक रोजगार नियमावली, २०६४ मे हुइल व्यवस्थाअनुसार वैदेशिक रोजगारमे जाइ चहुइया हरेक नागरिक अनिवार्य श्रम स्वीकृति लेहे पर्ना व्यवस्था करले बा । सरकारसे स्थानीय तहमे रहल रोजगार सेवा केन्द्रहे वैदेशिक रोजगार सूचना व्यवस्थापन प्रणाली (फेमिस) मे जोरके विदेश जाइक लाग अनलाइन आवेदन भरे नैसेकुइयाके लाग निःशुल्क रुपमे आवेदन भरडेना व्यवस्थासमेत करले बा । भीमदत्तसे सह्रनिय कामके सुरुवाट करले बा । सुदूरपश्चिम प्रदेशमे ८८ ठो पालिका रहल बा और पालिकाफे सुरुवाट कैना हो की ।