लौकाहाभौकाहा सामुदायिक वनके १२ औं वार्षिक साधारणसभा

जीवन चौधरी
पहलमानपुर, १३ फागुन । कैलाली जिल्लाके भजनी नगरपालिका–४ स्थित विजुलियामे रहल लौकाहा भौकाहा सामुदायिक वन उपभोक्ता समुहको १२ औं वार्षिक साधारणसभा तथा सार्वजनिक सुनुवाई कार्यक्रम सम्पन्न हुइल बा ।

उ सामुदायिक वनके अध्यक्ष बचावन चौधरीके अध्यक्षातामे हुइल कार्यक्रममे भजनी–४ के वडा अध्यक्ष जन्तराम चौधरी बरका पहुना रहल रहिट । कार्यक्रममे सम्बोधन करटी उहाँ वडास्तरसे छाडा चौपायाके व्यवस्थापनके काम पुरा हुइल बटैलै । खानेपानी टंङकी, मन्दिरके लाग कहु जग्गा हुइलेसे सक्कु जाने मिल्के निराकरण कैना उहाँ आग्रह करलै ।

विशिष्ट पहुना भजनी सव डिभिजन वन कार्यालयके वन रक्षक प्रकाश विक समाजमे मजा काम करुइयाके मूल्यांकन नइहुइना बटैलै । समाजसेवी तिलक खत्री पशुपालनके नाउँमे वन विनास हुइटी रहल बटैलै ।

कार्यक्रममे सिएफसिसि भजनीके सचिव इन्द्रा विक, नवज्योति आधारभूत विद्यालयके शिक्षक चन्द्रबहादुर बुढाथोकीलयात मन्तव्य व्यक्त करल रहिट । उ सामुदायिक वनके सचिव सुमन चौधरी आयव्यय प्रस्तुत करल रहिट । कलेस संचालन पत्रकार धमेन्द्र विष्ट करले रहिट ।