लुम्बिनीके मुख्यमन्त्री चौधरीसे राजीनामा
पहुरा समाचारदाता
बुटवल, २२ चैत । लुम्बिनी प्रदेशके मुख्यमन्त्री डिल्लीबहादुर चौधरी पदसे राजीनामा डेले बाटै । चौधरी गैल वैशाख १४ गते आठ राजनीतिक दल ओ एक स्वतन्त्र सहित ५३ जाने सांसदके समर्थनमे मुख्यमन्त्रीमे नियुक्त हुइल रहिट ।
एक महिना आघे केन्द्रमे फेरल सत्ता गठबन्धनसंगे नेकपा माओवादी केन्द्रसे २३ फागुनमे समर्थन फिर्ता लेहलपाछे चौधरी अल्पमतमे परल रहिट । इहे बीचमे बहुमत जुटैना प्रयास कैटी उहाँ बिफेक रोज विश्वासके मत लेना प्रयोजनके लाग प्रदेश सभा बैठक आह्वान करल रहिट ।
बहुमत जुटैना असफल हुइलपाछे प्रदेश सभा बैठकमे सम्बोधन कैटी राजीनामा घोषणा करल हुइट । राजीनामा घोषणा कैटी उहाँ प्रदेशके विकास ओ समृद्धिके लाग आब बन्ना सरकारहे गुण ओ दोषके आधारमे समर्थन ओ आलोचना कैना बटैलै ।
चौधरीके राजीनामासंगे लावा सरकार गठनके डगरा खुलल् बा । गठबन्धनके भागबण्डामे लुम्बिनी सरकारके नेतृत्व पाइल माओवादी लावा सरकार बनैना दलसे छलफलमे जुटल बा ।
माओवादी केन्द्र लुम्बिनीके दल नेता जोखबहादुर महरा शुकके शपथ लेना मेरके तयारीमे लागल बाटै । उहीसे आघे २०७९ साल पुस २७ गते नेकपा एमालेके संसदीय दलके नेता लिला गिरी मुख्यमन्त्री हुइलबेला महरा करिब तीन महिना अर्थमन्त्री बनल रहिट ।
नयाँ गठबन्धनसे सरकारके नेतृत्वके लाग अन्य साना दलसे छलफल कैके भागबण्डा लगासेकल स्रोतके दावी रहल बा ।
सत्ता साझेदार दलहरु नेकपा एमाले, माओवादी, जनता समाजवादी पार्टी र एकीकृत समाजवादीबीच लिखित समझदारीपत्र तयार भएको र बिहीबार नै हस्ताक्षर गर्ने स्रोतको भनाइ छ ।
