नेपाली काँग्रेस कैलारी गाउँपालिकासे २१औं धान दिवस मनागिल

पहुरा समाचारदाता
हसुलिया, १५ असार । नेपाली काँग्रेस कैलारी गाउँपालिकाके आयोजनामे शनिच्चरके रोज २१औं धान दिवस मनागिल बा ।

जलबायू मैत्री कृषि, धान उत्पादन बृद्धि कना नाराके साथ कैलारी गाउँपालिका वडा नम्बर ४ मे धान दिवस मनागिल हो । नेपाली काँग्रेस कैलारी गाउँपालिकाके सभापति कृष्णप्रसाद चौधरीके अध्यक्षतामे हुइल कार्यक्रममे कैलारी गाउँपालिकाके अध्यक्ष राजसमझ चौधरी, नेपाली काँग्रेस कैलालीके कार्यवाहक सभापति खेमराज डगौराथारु, नेपाली काँग्रेसके नेता परसराम चौधरी, पार्टीके क्षेत्रीय सचिव रमेश चौधरीलगायत प्रदेश, जिल्ला स्थानीयस्तरके नेता कार्यकर्ताहुकनके सहभागिता रहे ।