प्रकोपजन्य रोगके रोकथामके लाग सचेत रहना आवश्यक

पहुरा समाचारदाता
धनगढी, १९ असार । भूमिराम मिडिया नेपाल प्रालिके आयोजनामे बुधके रोज धनगढीमे प्रकोपजन्य रोगके रोकथाममे मिडियाके भूमिका विषय अन्तरक्रिया कार्यक्रम हुइल बा ।

कार्यक्रममे डाक्टर सुभषराज कायस्थ वर्षायाममे टमान प्रकोप ओ स्वास्थ्य समस्यासे बच्न उपायबारे जानकारी करैले रहैं । कार्यक्रममे डा. कायस्थ वर्षायाममे ढेर जैसिन सर्पदंश, लामखुट्टेसे लग्ना रोग, फोहर पानीसे लग्ना रोगलगायतके समस्या रहल बटैलैं ।

उहाँ वर्षा मौसममे ढेर सर्पदंशके घटना हुइना करल ओरसे यकर उपचारके बारेमे सबमे सचेन कराइ परना बटैलैं । उहाँ नेपालमे मिल्ना ९० प्रतिशत सर्प विषालु नैरहल, मने १० प्रतिशत सर्प विषालु रहल ओरसे समयमे सर्पके पहिचान कैके उपचार करेपरनामे जोड डेले रहैं । उहाँ कलैं, “झाडापखला, मलेरिया, इन्सफ्लाइटिसलगायतके रोगसे बच्न आवश्यक सावधानी अपनाइपरठ ।”

कार्यक्रममे पत्रकार दिलबहादुर छत्याल, हेमन्त पौडेल, शिवराज भट्ट, थारु कल्याणकारी सभाके पूर्व अध्यक्ष माधव थारुलगायत मन्तव्य व्यक्त करले रहैं । कार्यक्रम सामाजिक विकास मन्त्रालय सुदूरपश्चिम प्रदेश सरकारके सहकार्यमे हुइल रहे ।