कैलारी गाउँपालिकासे कमैया मुक्ती दिवसके अवसरमे सावन २ गते सार्वजनिक विदा

पहुरा समाचारदाता
हसुलिया,३१ असार । कैलारी गाउँपालिकासे २४ओैं कमैया मुक्ती दिवसके अवसरमे सावन २ गते सार्वजनिक विदा डेहल बा ।

गाउँपालिकासे सोम्मारके रोज सार्वजनिक सूचना जारी करटी सावन २ गते सार्वजनिक विदा डेहल हो । उ दिनमे गाउँपालिकाभिटरके सक्कु सरकारी तथा गैरसरकारी कार्यालय, विद्यालय तथा बैंकमे विदा रना गाउँपालिकाके प्रमुख प्रशासकीय अधिकृत खगेन्द्रराज जोशीसे हस्ताक्षरित सूचनामार्फत जानकारी कैगिल बा ।

मुक्तकमैयाहुकनहे सरकार २०५७ साल सावन २ गते मुक्ती घोषणा करल रहे । गाउँपालिका अध्यक्ष राजसमझ चौधरी २४औं मुक्ती दिवसके अवसरमे सक्कु मुक्तकमैया डाडु भैयनहे शुभकामना व्यक्त करले बटै ।