बजाज पल्सर एन १५० बजारमे
पहुरा समाचारदाता
धनगढी, ४ सावन । बजाज मोटरसाइकलके आधिकारिक बिक्रेता दिनेश अटोमोटिभ्स धनगढीसे पल्सर एन १५० मोटरसाइकल सार्वजनिक करले बा ।
शुकके रोज दिनेश ग्रपके डाइरेक्टर सशिष हमाल ओ उपमहा प्रबन्धक तेज बहादुर बम संयुक्त रुपमे सार्वजनिक करल हुइट । सार्वजनिक पाछे उपमहा प्रबन्धक बम एन १५० स्पोर्टी मोटरसाइकल रहल ओरसे दैनिक प्रयोग ओ पावर पर्फर्मेन्स डुनुके लाग उपयुक्त रहल कारण इहीहे युवा पुस्ताहे आकर्षित कैना दाबी करलै ।
पल्सर एन १५० मे आकर्षक फिचरके रुपमे ब्लुटुथ कनेक्टिभिटी सहितके कल तथा एसएमएस अलर्ट रहल बा । साथे युएसबी चार्जिङ पोर्ट फेन मोटरसाइकलमे उपलब्ध रहल बा । ओस्टके यकर फ्युल इन्जेक्सन सिस्टम ओ बिएस ६ से इ बाइकहे झन इफिसियन्ट बनैना कम्पनी जनैले बा ।
पल्सर एन १५० एरोडायनामिक थ्रीडी फ्रन्ट सहितके स्लीक डिजाइनमे उपलब्ध रहल बा । मस्कुलर डायनामिक ट्याङ्की, पाटिर वेस्ट भाग ओ सिङ्गल ¥याट सिटसे यकर लुकहे आकर्षक बनैले बा । शक्तिशाली ओ स्मूथ १४९.६८ सीसी इन्जिन सुसज्जित पल्सर एन १५० से १४.५ पीएस पावर ओ १३.५ एनएम टर्क उत्पन्न करठ् कलेसे इहीसे ४८ किमीके प्रभावशाली माइलेज फेन डेना जनाइल बा ।
उहीसे आघे बजाजसे एन सिरिजमे एन २५० ओ १६० बजारमे लानसेकल बा कलेसे पल्सर एन १५० के मूल्य ३ लाख ५९ हजार ९ सय रुपैयाँ रहल उपमहा प्रबन्धक बम जानकारी डेलै ।
