कैलारीमे बहुमुखी क्याम्पस स्थापनाके लाग शिक्षा मन्त्रीहे ज्ञापनपत्र

पहुरा समाचारदाता
धनगढी, २३ सावन । कैलारी गाउँपालिकामे बहुमुखी क्याम्पस स्थापनाके माग करटी शिक्षा मन्त्रीहे ज्ञापनपत्र बुझागिल बा ।

कैलारी गाउँपालिका अध्यक्ष राजसमझ चौधरी नेतृत्वके टोलीसे मंगरके रोज माननीय शिक्षा मन्त्री विद्या भट्टराईहे ज्ञापनपत्र बुझागिल हो । ज्ञापनपत्र बुझाई गैल टोलीमे पूर्वमन्त्री गौरीशंकर चौधरी, राष्ट्रिय प्रजातन्त्र पार्टी नेपालके कैलाली अध्यक्ष होमबहादुर गुरुङ, बहुमुखी क्याम्पस अभियानके सयोजक ओमकार महतों, कैलारी उद्योग बाणिज्य संघके अध्यक्ष नेपालु चौधरी, कांग्रेस कैलारी गाउँपालिका सभापति कृष्ण चौधरी, दिपेन्द्र उच्च माीि हसुलियाके पूर्व शिक्षक श्याम मल्ल, कैलारी गाउँपालिका प्रवक्ता तथा वडा नम्बर ७ के वडा अध्यक्ष दिपेन्द्रबहादुर बमलगायत रहल बटै ।

कैलारीमे बहुमुखी क्याम्पस स्थापना नैहुइलपाछे उहाँके विद्यार्थी धनगढी लगायत अन्य ठाउँमे भाडामे पैठके क्याम्पस बाध्यता रहल कैलारी गाउँपालिका अध्यक्ष राजसमझ चौधरी बटैलै । उहाँ कहलै, ‘अपने गाउँ ठाउँमे क्याम्पस स्थापना नैहुके आर्थिक अवस्था कम्जोर रहल विद्यार्थीनहे समस्या रहल बा । कम्तीमे अपने ठाउँमे क्याम्पस रहलेसे घरेक चटनी भात खाकेफे क्याम्पस पह्रे सेक्ठै । घर भाडासे बचल पैसा कितावकापीमे लगानी करे सेक्टै ।, ज्ञापनपत्र बुझटी मन्त्री ज्यु सकारात्मक प्रतिक्रिया डेले बटै, अध्यक्ष कहलै ।