धनगढी उपमहानगरपालिकासे ८० जनहन अपाङता सहायक सामाग्री हस्तान्तरण

पहुरा समाचारदाता
धनगढी, ३२ सावन । धनगढी उपमहानरपालिकासे शुकके रोज टमान वडामे रहल अपाङता हुइल व्यक्तिनहे सहायक सामाग्री हस्तान्तरण करले बा ।

धनगढी उमहानगरपालिकासे नगर क्षेत्रहे पाँच ठो क्लस्टर विभाजन करके सहायक सामग्रीके लाग प्राविधिक स्क्रिनिङ पश्चात सामग्रीके वितरण कैना करलमे अन्य ३ ठो क्लस्टर सम्पन्न हुसेकल बा । शुकके रोज धनगढीमे ५५ जनहन ओ बेलामे २५ जाने करके जम्मा ८० जनहनहे बैशाखी, व्हीलचियार, ट्राई साइकल, कम्बोट चेयर, हियरिङ एड, लठ्ठी लगायतके सहायक सामग्री वितरण करल नगर प्रमुख गोपाल हमाल बटैलै ।

अपाङता हुइल व्यक्तिहुकनके पहँंच वृद्धि कैना सहायक सामग्रीके प्रयाप्तताके लाग धनगढीके अभियान स्वरूप हरेक वर्ष सञ्चालन कैना सहायक सामग्री वितरण कार्यहे निरन्तरता डेटी आइल उहाँ जनैलै । शुकके रोज धनगढी क्लस्टर (वडा नं १,२,३,४,५,७ ओ ८) के नगरपालिका कार्यालय प्राङणमे सकारे ८– दुपहर १ बजे सम ओ बेला क्लष्टर (वडा नं ६, १ ओ १३) के घोर्सुवा स्वास्थ्य चौकीमे दुपहर २–६ बजेसम सञ्चालन कैगिल नगर उपप्रमुख कन्दकला कुमारी राना बटैली ।