चार जाने फरार प्रतिबादी पक्राउ

पहुरा समाचारदाता
धनगढी, ४ भदौ । जिल्ला प्रहरी कार्यालय कैलालीके अपराध अनुसन्धान शाखासे प्रहरी नायव निरिक्षक गजेन्दबहादुर चन्दके कमाण्डमे खटल प्रहरी टोलीसे फरार चार जाने प्रतिवादीहुकनहे पक्राउ करले बा ।

पक्राउ परलमे कैलाली धनगढी उप–महानगरपालिका वडा नं. ०४ बैठना बर्ष २६ के विजयकुमार नेपालीहे लागु औधष मुद्दामे २९ दिन कैद सजाय हुइल रहे । कैलाली धनगढी उप–महानगरपालिका वडा नं. ०३ बैठना बर्ष २८ को प्रज्वल न्यौपानेहे लागु औषध मुद्दामे २९ दिन कैद सजाय हुइल रहे ।

धनगढी उप–महानगरपालिका वडा नं. ०४ बैठना बर्ष २३ के सुविन कना सुरविर डगौराहे चोरी मुद्दामे २५ दिन कैद सजाय हुइल रहे । ओस्टेक करके वडा नं. ०४ बैठना बर्ष २१ के राज चौधरी कना राज सिंहहे चोरी मुद्दामे २५ दिन कैद सजाय हुइल रहे । पक्राउ सक्कु जनहनहे कैलाली जिल्ला अदालत पठाईल जिल्ला प्रहरी कार्यालय कैलाली जनैले बा ।