कैलारी गाउँपालिकाके ७२ घर डुबानमे

पहुरा समाचारदाता
धनगढी, ५ भदौ । गैल रातसे बरसल अविरल बर्षाले कैलारी गाउँपालिकाके ७२ घर डुबानमे परल बा ।

कैलारी गाउँपालिका विपद व्यवस्थापन शाखाके प्रमुख तथा विपद फोकल पर्सन भुवन बखरियाके अनुसार वडा नम्बर ५ स्थित पुरान मन्कापुरके ३६, वडा नम्बर ५ स्थित बंगलीपुरके २४ घर, वडा नम्बर ७ स्थित छटकपुर बसन्ताके २५ घर ओ वडा नम्बर ८ स्थित भंगहाके ११ घर डुबानमे परल बा ।

कटैनी लडियामे आइल बाढ उपटके बस्ती डुबानमे परल उहाँ बटैलै ।

कैलारी गाउँपालिका वडा नम्बर ५, ७ ओ ८ के घर डुबानमे परलपाछे गाउँपालिका अध्यक्ष राजसमझ चौधरी, वडा नम्बर ४ के वडा अध्यक्ष ठागुराम चौधरी, वडानमबर ५ वडा अध्यक्ष विष्णु प्रसाद चौधरी, प्रमुख प्रशासकीय अधिकृत खगेन्द्रराज जोशीलगायतसे डुबान क्षेत्रके अनुगमन करले बटै ।