सिआर वास कार्यक्रमके अनुगमन

पहुरा समाचारदाता
हसुलिया, ६ भदौ । कैलारी गाउँपालिकाके टमान वडामे संचालन हुइल सिआर वास कार्यक्रमके अनुगमन कैगिल बा ।

यूनिसेफ नेपालके आर्थिक सहयोगमे निडस नेपालके प्राविधिक सहजीकरण ओ कैलारी गाउँपालिकाके समन्वयमे वडा नम्बर ३, ४, ७ ओ ८ के स्वास्थ्य संस्था ओ वडा कार्यालयमे संचालन हुइल खानेपानी सरसफाई तथा स्वच्छता सम्बन्धी गतिविधिके अनुगमन कैगिल हो ।

उ कार्यक्रम अन्र्तगत खानेपानी सरसफाई तथा स्वच्छता, खानेपानी धाराके टुटी निर्माण, मर्मत, शौचालय निर्माण, अस्पताल जन्य फोहोर व्यवस्थापनके लाग पिट निर्माण, डिप टयूवेल, सव पिट निर्माण कार्यके स्थलगत अनुगमन कैगिल हो । अनुगमनमे गाउँपालिका अध्यक्ष राजसमझ चौधरी, प्रमुख प्रशासकीय अधिकृत खगेन्द्रराज जोशी, सामाजिक विकास समिति संयोजक सन्तराम चौधरी, सामाजिक विकास शाखा प्रमुख यगम कलेल, स्वास्थ्य शाखा प्रमुख नरेशकुमार चौधरी, योजना शाखा प्रमुख सन्तोषकुमार चौधरी, खानेपानी तथा सरसफाई शाखाके प्रमुख शंकरदत्त अवस्थी, निडस नेपालके पूर्व अध्यक्ष अन्जु भट्ट जोशी, संचालक समिति सदस्य किसन खडका, कार्यक्रम संयोजक दिपक प्रसाद भट्टलगायतके सहभागिता रहल रहे ।