कैलारीमे बाढी जोखिम न्यूनीकरण परियोजना शुरु
पहुरा समाचारदाता
हसुलिया, १७ भदौ । कैलाली जिल्लाके कैलारी गाउँपालिकामे बाढी जोखिम न्यूनीकरण परियोजना शुरु हुइल बा ।
बहुउद्धेश्यीय विकास समाज डडेल्धुरासे प्रकोप जोखिम न्यूनिकरणके लाग सुदूरपश्चिममे बाढ पहिरो प्रभावितहे सहयोग परियोजना संचालन करल हो । कैलारी गाउँपालिकासंगके समन्वय ओ किया तथा कोडेडके सहयोगमे बहुउद्धेश्यीय विकास समाज,डडेल्धुरासे पालिकामे प्रकोप जोखिम न्यूनिकरणके लाग सुदूरपश्चिममे बाढी पहिरो प्रभावितहे सहयोग कार्यक्रम संचालन करे लागल हो । स्थानीयस्तरके सरोकारवाला निकायहे परियोजनावारे जानकारी कराके ओकर गतिविधी प्रभावकारी रुपमे कार्यान्वयन कैटी स्थानीयस्तरमे विपद जोखिम न्यूनीकरणमे सहयोग पुगे कना उद्देश्यसे उ परियोजना संचालन करे लागल हो ।
कैलारी गाउँपालिकाके उपाध्यक्ष भगवती कुमारी चौधरी बहुउद्धेश्यीय विकास समाज, डडेल्धुरासे बाढी तथा विपदमे कैगिल कार्य प्रंशासनिय रहल बटैली । यी नयाँ परियोजना मार्फतफे विपद जोखिम न्यूनिकरणके क्षेत्रमे महत्वपूर्ण टेवा पुग्न बटैली । उहाँ परियोजनाहे लक्षित समुदायमे प्रभावकारी कार्यान्वयनके लाग स्थानीय सरकारके ओरसे पूर्ण सहयोग रना बटैली ।
परियोजनासे कैजैना गतिविधीके बारेमे परियोजना संयोजक शिवराज पाठक प्रस्तुतीकरण करल रहिट । उहाँ परियोजना मार्फत पालिकामे समुदायस्तरमे पूर्व तयारीके लाग जनचेतना मुलक कार्यक्रम संचालन, बाढी प्रभावितहे राहत सामाग्री सहयोग, जोखिम नक्साकंन तथा सर्वेक्षण, विपद सामाग्री सहयोग, पूर्व सूचना प्रणाली सम्बन्धी अभिमुखीकरण, टास्क फोर्स ओ समुदायके अगुवाके लाग आत्मरक्षा सम्बन्धी तालिम, वृक्षारोपण तथा वायोईन्जिनियरिङ कार्य संचालन कैना बटैलै ।
कार्यक्रममे कैलारी गाउँपालिका प्रमुख प्रशासकीय अधिकृत खगेन्द्रराज जोशी, वडा नं ३ के अध्यक्ष सन्तराम चौधरी, वडा नं ५ के अध्यक्ष बिष्णु चौधरी , वडा नं ७ के अध्यक्ष दिपेन्द्र बम, लगायतसे मन्तव्य करल रहिट ।
कार्यक्रम कैलारी गाउँपालिका वडा नं ४ केअध्यक्ष एंव विपद व्यवस्थापन समिती संयोजक ठागुराम चौधरीके अध्यक्षतामे हुइल कार्यक्रमके संचालन राजेन्द्र रैका करल रहिट ।
