वातावरणीय ओ सामाजिक सुरक्षण विषयक तालिम

पहुरा समाचारदाता
धनगढी, २८ भदौ । यूएसएडके आर्थिक सहयोगमे सञ्चालित जलजंगल परियोजना अन्तर्गत बाँके बर्दिया कैलाली ओ कञ्चनपुरके टमान स्थानीय तहमे सरोकारवालाहुकनहे समावेश करके दुई दिने वातावरणीय ओ सामाजिक सुरक्षण विषयक तालिम सञ्चालनमे रहल बा ।

आरआइएमसी प्रालीसे सहजीकरण करल तालिममे जनप्रतिनिधि कर्मचारी सामुदायिक वनके सदस्य, महिला समूह, नेपाल प्रहरी, विद्यार्थी लगायतके सरोकारवालालगायत उत्साहजनक सहभागितामे तालिम सञ्चालन करल हो ।

सेप्टेम्बर ३ से सुरु करल यी तालिम बाँके, बर्दिया, कैलाली ओ कञ्चनपुरमे सञ्चालित बा । करिब १३०० से ढेर सहभागी हुसेकल यी तालिममे वातावरणीय तथा सामाजिक सुरक्षण कैसिक सन्तुलन कैना ओ अइना जोखिम कम कैना अपनाई पर्ना सावधानी तथा सञ्चालन कैना क्रियाकलापके बारेमे छलफल हुइल रहे ।

कैलालीके धनगढी उपमहानगरपालिका, घोडाघोडी नगरपालिका, गोदावरी नगरपालिका, चुरे गाउँपालिका, भजनी नगरपालिका टिकापुर, नगरपालिका ओस्टेक करके कञ्चनपुरमे बेलडाडी गाउँपालिका, लालझाडी गाउँपालिका, बेलौरी नगरपालिका कृष्णपुर नगरपालिका, शुक्लापाटा नगरपालिका ओ भीमदत्त नगरपालिका ओस्टेक करके बर्दियाके राजापुर नगरपालिका ठाकुर बाबा नगरपालिका, गेरुवा गाउँपालिका, मधुबन नगरपालिका ओ बाँकेमे नरैनापुर गाउँपालिका ओ राप्ती सोनारी गाउँपालिका करके जम्मा १८ ठो स्थानीय तहमे सञ्चालन हुइटी रहल बा ।