डाईमण्ड कटेजके शाखा विस्तार
पहुरा समाचारदाता
धनगढी, १७ कुवाँर । डाईमण्ड कटेजसे धनगढी उपमहानगरपालिका वडा नम्बर ८ धनगढी गाउँमे सुविधा सम्पन्न घरमे शाखा विस्तार करले बा ।
विगतसे धनगढीके तारानगरमे सञ्चालित उ कटेजसे धनगढी–८ मे लजिङ फुडिङसहिट उ शाखा विस्तार करल हो । आज संचालक हिरा चौधरीके बाबा दुर्गा चौधरी ओ ससुरुवा खुशिराम चोधरी संयुक्त रुपमे रिवन काटके शाखाके उदघाटन करल हुइट ।
फुडिङ डाइमण्ड कटेज सरह रना ओ ग्राहकके लाग खान बैठना मजा व्यवस्था समेत रहल संचालक हिरा चौधरी बटैलै । उहाँ बैठक लाग अटेच बाथरुम एसी सहितक ७ कोठा रहल ओ १३ सयसे १८ सय समके मुल्य निर्धारण करल बटैले । संचालक कहलै, ‘ग्राहकके सन्ुतष्टी हमार लाग सबसे भारी बाट हो । यी शाखामे बास बैठक लाग एकान्त वातावरण रहल बा । कार्यक्रम सेक्ना मेरिक व्यवस्था कैगिल बा ।
ग्राहकके आवश्यकता अनुसार सेवाके विस्तार कैना सोच बा ।’ शान्त ठाउँमे स्थापना हुइल होटलमे परिवारिक वातावरण ओरसे परिवारसहित बास बैठे सेक्ना व्यवस्था रहल उहाँ बटैलै ।
धनगढी गाउँसे पूरुव घुइयाघाट जैना डगरमे संचालनमे होटलमे थारु समुदायके संस्कृतिहे बचैटी थारु खानाहे विशेष महत्व डेटी, लोकल मुरगा, मच्छी, सेकुवाके व्यवस्था रहल संचालक बटैलै । यी शाखा पौने दुई करोड लगानीमे स्थापना करल उहाँ बटैलै ।
