चार दिने उदघोषण तालिम सम्पन्न

पहुरा समाचारदाता
धनगढी, ११ कार्तिक । कैलालीके धनगढीमे सार्वजनिक भाषण कला सम्बन्धी चार दिने उदघोषण तालिम सम्पन्न हुइल बा । जागृति फाउन्डेसनके कार्यालय तारानगरके आयोजनामे तालिमके सञ्चालन कैगिल रहे ।

कार्तिक ७ गतेसे सुरु हुइल तालिम १० गतेसम सञ्चालन हुइल रहे । तालिमके मुख्य प्रशिक्षकके रूपमे दुर्गाराज पाण्डे रहल रहिट । समापन कार्यक्रममे बोल्टी मुख्य प्रशिक्षक पाण्डे चार दिनके उदघोषण कला तालिमसे सहभागीहुकनमे भाषण कला ओ व्यक्तित्व विकासमे सकारात्मक परिवर्तन आइल बटैलै ।

चार दिने प्रशिक्षण प्राप्त हुइलपाछे अपनेहुकनके क्षमता अभिवृद्धि हुइल सहभागीहुक्रनके प्रतिक्रिया रहल बा । जागृति फाउन्डेसनके सदस्य पदमराज भट्टके अध्यक्षतामे सम्पन्न हुइल कार्यक्रमके सहजीकरण धनीराम नेपाली करल रहिट ।