परिवार नियोजन स्थायी बन्ध्याकरण शिविरमे १३ जाने सेवा लेलै

पहुरा समाचारदाता
धनगढी, ६ फागुन । कैलालीके कैलारी गाउँपालिका वडा नम्बर ७ रतनपुर स्वास्थ्य चौकीेमे बुधके रोज हुइल परिवार नियोजन स्थायी बन्ध्याकरण शिविरमे १३ जाने सेवा लेले बटै ।

स्वास्थ्य कार्यालय कैलालीके आयोजना, मेरि स्टोप्स नेपालके प्राविधिक सहयोग एवं कैलारी गाउँपालिकाको कार्यालय, हसुलियासंगके समन्वय ओ व्यवस्थापनमे हुइल परिवार नियोजन स्थायी बन्ध्याकरण शिविरमे १३ जाने महिला सेवा लेहल रहिट ।

ओस्टेक यिहीसे पहिले कैलारी गाउँपालिका वडा नम्बर ६ बनकट्टा आधारभूत स्वास्थ्य संस्थामे अगहन १४ गते सञ्चालन हुइल महिला तथा पुरुष बन्धाकरण घुम्ती शिविरमे २३ जाने महिला सेवा लेहल कैलारी गाउँपालिका स्वास्थ्य शाखा संयोजक नरेशकुमार चौधरी जनैलै ।