गाउँपालिका स्तरीय पोषण परियोजना सल्लाहकार समितिके बैठक सम्पन्न
पहुरा समाचारदाता
धनगढी, ४ चैत । कैलाली जिल्लाके कैलारी गाउँपालिकामे याक नेपालसे आइडिइ नेपाल ओ केयर नेपालके साझेदारी सञ्चालित पोषण परियोजनाके गाउँपालिका स्तरीय पोषण परियोजना सल्लाहकार समितिके बैठक बुधके रोज सम्पन्न हुइल बा ।
कैलारी गाउँपालिकाके सामाजिक विकास समितिके संयोजक तथा वडा नम्बर ३ के वडा अध्यक्ष सन्तराम चौधरीके अध्यक्षतामे हुइल कार्यक्रममे पोषण परियोजना संयोजक रमण जोशी परियोजनासे सञ्चालित गतिविधिबारे जानकारी डेहल रहिट । उहाँ परियोजनामार्फत २५ जाने अगुवा कृषकहे ४ दिने पोषण बगैचा निर्माण सम्बन्धी तालिम, पोषण बगैचा निर्माणके लाग प्रत्येक अगुवा कृषकहे रु २० हजारके किसान कार्डमार्फत वितरण करल जनैलै ।
४५३ जाने डाईनके किसान कार्डमार्फत यी बर्षफे पोषण बगैचा निर्माणके लाग २५ सयके दरसे वितरण करल बा । ३० जाने नयाँ हजार दिनके डाईनहे पोषण बगैचा कृषक निर्माणकृ लाग ५५ सयके दरले वितरण करल बा ।
समुहभिटरके किसान कार्ड नैरहल महिलाहुकनहे पोषण बगैचा निर्माणके लाग रु. १६ सय ५० के दरले ४८ जनहनहे विउविजनके लाग वितरण करल बा । कडा शिघ्र कुपोषण हुइल बालिकाहुकनहे पोषण बगैचा निर्माणके लाग कृषि सामाग्री वितरण रु. २५ सय बराबरके २७ जनहनहे वितरण करल बा । पोष्ट हारवेष्ट तालिम ओ सिकेचर वितरण करल बा ।
विविधता पूर्ण पोषणयुक्त, स्वस्थ्य तथा सुरक्षित खाद्यन्नबस्तुके समतामुलक उपभोगमे वृद्धि हुइना कहल बा ।
सिकाई केन्द्रहे विद्यालयमे दिवा खाजासंग एक विद्यालयहे जोरल बा । नमूना उद्यमी विकासमे एक जनहनहे अटो लोटर सहयोग करल बा । गडयौला मल उत्पादनके लाग ४ जनहनहे तालिम ओ एक जनहनहे १ लाख २५ हजारके सामाग्री सहयोग करल बा । मुल्य अभिवृद्धि प्रशोधन तालिम २ जनहन, मिस्त्री(कृषि सामाग्री तथा उपकरण सम्बन्धी) तालिम २ जनहनहे डेहल बा । सिकाई केन्द्रहे १ लाख बराबरके सहयोग करल बा । समुह विक्री प्रस्तुतीकरण (जिपिएस) २५ समुहे डेहल बा ।
ओस्टेक करके पालिकाके सक्कु स्वास्थ्य संस्थामे पोषण लेखाजोखा कार्यक्रम हुइल बा । ओम्ने कैलारी गाउँपालिकामे २३ जाने बालबालिकाहुकनमे कडा खालके सिघ्र कुपोषण डेखा परल बा ।
गाउँपालिका अन्र्तगत सक्कु वडामे रहल नौ ठो स्वास्थ्य संस्थामे ६ महिनासे ५ बरस टरेक बालबालिकाके पोषण लेखाजोखा (स्क्रेनिङ) कैगिल रहे । नौ ठो स्वास्थ्य संस्थामे ६ महिनासे पाँच बरस भिटरके कुल २ हजार १ सय ७३ जाने बालबालिकाके पोषण लेखाजोखा (स्क्रेनिङ) कैगिलमे १ हजार ९ सय ५६ जाने सामान्य, १ सय ९१ माध्यम सिघ्र कुपोषण ओ २६ जनहनमे कडा खालके सिघ्र कुपोषण डेखा परल रहे ।
वडा नम्बर १ स्थित मनाउ आधारभूत स्वास्थ्य केन्द्रमे २३४ जानेक पोषण लेखाजोखा करलमे २०५ मे सामान्य, २४ जनहनमे माध्यम सिघ्र कुपोषण ओ ५ जनहनमे कडा सिघ्र कुपोषण डेखा परल बा ।
वडा नम्बर २ स्थित बसौटी स्वास्थ्य चौकीमे २२८ जानेक पोषण लेखाजोखा करलमे २०० जनहनमे सामान्य, २३ जनहनमे माध्यम सिघ्र ओ ५ जनहनमे कडा सिघ्र कुपोषण डेखा परल बा ।
वडा नम्बर ३ स्थित हसुलिया स्वास्थ्य चौकीमे १७५ बालबालिकाके पोषण लेखाजोखा करलमे १५५ जानेक सामान्य, २० जाने माध्यम खालके कुपोषण ओ कडा खालके कुपोषण यहाँ डेखा नैपरल रहे ।
वडा नम्बर ४ स्थित के गाउँ आधारभूत स्वास्थ्य केन्द्रमे २४३ जानेक पोषण लेखा जोखा करलमे २२५ जाने सामान्य, १७ जाने माध्यम ओ एक जानेकमे कडा खालके कुपोषण डेखा परल बा । वडा नम्बर ५ स्थित पवेरा स्वास्थ्य चौकीमे २४४ जानेक पोषण लेखा जोखा करलमे २०३ जाने सामान्य, ३७ जाने माध्यम खालके कुपोषण, ओ ४ जनहनमे कडा खालके कुपोषण डेखा परल बा ।
वडा नम्बर ६ स्थित बनकट्टा आधारभूत स्वास्थ्य केन्द्रमे २०४ जानेक पोषण लेखाजोखा करलमे १९२ जाने सामान्य, ११ जाने माध्यम खाले कुपोषण ओ २ जनहनमे कडा खाले कुपोषण डेखा परल बा । वडा नम्बर ७ स्थित रतनपुर स्वास्थ्य चौकीमे ३२३ जानेक पोषण लेखाजोखा करलमे २९८ जाने सामान्य, २३ जनहनमे माध्यम खाले कुपोषण ओ २ जनहनमे कडा खालके कुपोषण डेखा परल बा ।
वडा नम्बर ८ स्थित उदासीपुर प्राथमिक स्वास्थ्य केन्द्र पृथ्वीपुरमे २८८ जानेक पोषण लेखा करलमे २६६ जाने सामान्य, १८ जाने माध्यम खाले कुपोषण ओ ४ जनहनमे कडा खाले कुपोषण डेखा परल बा ।
ओस्टेक करके वडा नम्बर ९ स्थित गदरिया स्वास्थ्य चौकीमे २३४ जानेक पोषण लेखाजोखा करलमे २१३ जनहनमे माध्यम ओ १८ जनहनमे माध्मम खालके ओ ३ जनहनमे कडा खालके कुपोषण डेखा परल बा ।
याक नेपालके लैङिक समानता सामाजिक समावेशीकरण अधिकृत सरिता चौधरी पोषण परियोजना मार्फत कैलारी गाउँपालिका वडा नम्बर ४ ओ ७ के २५ ठो आमा समुह पोषण सुधारके लाग पोषण बगैचा सुरुवाट करल बटैली ।
ओस्टेक करके स्वास्थ्य तथा पोषण प्रणाली अधिकृत अशोक रावल पोषण स्थानीय शासनबारे प्रस्तुतीकरण करल रहिट । उहाँ पोषणके ४९ ठो सूचकबारे जानकारी डेहल रहिट । कार्यक्रममे प्रदेश संयोजक राजेन्द्र गिरी वालविवाह, छुवाछुट कायम रहल कहटी न्युनिकरणके कारण सक्कु पक्षसे भूमिका निर्वाह करेपर्ना बटैलै । कार्यक्रममे वडा नम्बर ४ के वडा अध्यक्ष ठागुराम चौधरी परियोजनाके गतिविधि मजा रहल कहटी पोषणबारे सक्कु जाने बुझलेसे कुपोषण न्यूनिकरण करे सेक्ना बटैलै ।
कार्यक्रममे सामाजिक विकास शाखाके प्रमुख यगम कलेल, महिला तथा वालबालिका शाखाके प्रमुख बालकुमारी चौधरीफे पोषणमैत्री पालिका तथा वडा घोषणाके लाग जनप्रतिनिधि ओ सरोकारवाला सक्कु जानेक बरवार भुमिका हुई बटैलै । कैलारी गाउँपालिका स्वास्थ्य शाखा संयोजक नरेश चौधरीसे सहजीकरण करल कार्यक्रममे निमित्त प्रमुख प्रशासकीय अधिकृत गणेश प्रसाद मिश्र, वडा नम्बर ५ के कार्यवाहक वडा अध्यक्ष अनारकली चौधरी, वडा नम्बर ७ के कार्यवाहक वडा अध्यक्ष सुन्दरीदेवी चौधरीलगायत, टमान शाखाके प्रमुखहुकनके सहभागिता रहे ।
