सुदूरपश्चिम प्रदेश युवा सम्मेलन—२०८३ सम्पन्न

अधिकार, सुझाव ओ सामूहिक प्रतिबद्धताके साझा मार्गचित्र सहित घोषणापत्र जारी

पहुरा समाचारदाता
धनगढी, १० जेठ । गैरसरकारी सस्था महासंघ नेपाल ओ युवा अभियानके संयुक्त आयोजनामे यिहे जेष्ठ ९ ओ १० गते धनगढीमे हुुइल सुदूरपश्चिम प्रदेश युवा सम्मेलन—२०८३ से अधिकार, सुझाव ओ सामूहिक प्रतिबद्धताके साझा मार्गचित्र सहित घोषणापत्र जारी कैगिल बा ।

महासंघके प्रदेशके अध्यक्ष देवी खनालके अध्यक्षतामे हुइल दुई दिने प्रदेश भेलासे घोषणापत्र जारी करल हो । घोषणापत्रमे
डिजिटल सुरक्षा ओ जिम्मेवार प्रविधिके क्षेत्रमे मागः अनलाइन माध्यममे युवाके पहुँच, समानता डिजिटल अभिव्यक्ति स्वतन्त्रता ओ सुरक्षित उपस्थितिके सुनिश्चितताकृ लाग ‘डिजिटल अधिकार तथा गोपनीयता सम्बन्धित ऐन‘ तर्जुमा करेपर्ना कहल बा ।
सुझावः विद्यालय तहसे एआईके नैतिक प्रयोग ओ डिजिटल साक्षरताहे पाठ्यक्रममे अनिवार्य समावेश करके प्राविधिक शिक्षामे जोड डेहेपर्ना कहल बा । युवाके डिजिटल मार्केटिग सीपो सहभागीता मार्फत युवाहे उद्यम, व्यवसायमे सहभागी हुइना वातावरण निर्माण करेपर्ना कहल बा ।

प्रतिबद्धताः हमार प्रविधिके प्रयोग करेबेर जिम्मेवार बन्बी ओ सुरक्षित डिजिटल स्पेस निर्माणके लाग ‘पियर एजुकेसन‘ मार्फत सचेतना फैलैबी ।

शिक्षा ओ समावेशी पहुँच ओर मागः नेपालके संविधानके धारा ३१ अनुसार कक्षा १२ समके शिक्षाहे पूर्णतः निःशुल्क, प्रविधि मैत्री, प्राविधिक तथा स्वरोजगार÷रोजागरमूलक हुइना करके अनिवार्य रूपमे कार्यान्वयन करेपर्ना कहल बा ।

सुझावः सिपमूलक प्राविधिक शिक्षा नीति लागू करके ‘बुक–फ्री फ्राइडे‘ जैसिन कार्यक्रमहे प्रदेशके सक्कु सामुदायिक विद्यालयमे विस्तार करेपर्ना कहल बा ।

हमार प्रतिबद्धताः मजदुर, कमैया, हलिया, कम्लहरी, राउटे, सोनाहा, दलित, अपांगता हुइल व्यक्ति, यौनिक तथा लैगिक अल्पसंख्यक ओ सीमान्तकृत समुदायके बालबालिकाहे विद्यालयमे ल्यन्ना ओ टिकाइक लाग परम्परागत सोचहे परिवर्तन करटी समान सहभागीताके लाग हम्रे समुदायमे स्वयंसेवा ओ मेन्टरिङ कैबी ।

स्वास्थ्य ओ मानसिक स्वास्थ्य ओर मागः प्रत्येक स्थानीय तह (पालिकास्तर) मे कम्तीमे एक जाने अनुमति प्राप्त मनोपरामर्शदाताके व्यवस्था करेपनौ ओ कुल स्वास्थ्य बजेटके कम्तीमे ५ प्रतिशत मानसिक स्वास्थ्यमे छुट्याईपर्ना कहल बा ।
सुझावः विद्यालय ओ स्वास्थ्य चौकीमे स्थानीय रूपमे उत्पादित गुणस्तरीय स्यानिटरी प्याडके निःशुल्क वितरण करेपर्ना कहल बा । साथे प्रजनन् स्वाथ्य अधिकारके सचेतना ओ पहुच पुग्न वातावरण सृजना करेपर्ना कहल बा ।

हमार प्रतिबद्धताः मानसिक स्वास्थ्यसँग जोरल सामाजिक लाञ्छना (क्तष्नmब) विरुद्ध वकालत कैना ओ समुदायमे मानसिक स्वास्थ्य सचेतना कार्यशाला सञ्चालन कैना कहल बा । वह्रटी कुलत दुव्र्यसनीसे युवाहे जोगैना सचेतना अभियानमे सरिक हुइना ओ अभियान चलैबी ।

आर्थिक अवसर ओ रोजगारी ओर मागः युवा उद्यमीके लाग दर्तामे सहुलियत, सुरुवाती ३ वर्षसम कर छुट ओ बिना धितो सहुलियतपूर्ण ऋणके प्रभावकारी कार्यान्वयन करेपर्ना कहल बा । कृषि वनमे आधारित स्वदेशी वस्तु उत्पादन ओ प्रसोधन ओ पर्यटन प्रवद्र्धनमूलक उद्यममे लगानी वद्धि ओ उद्यमीके आत्मसम्मान हुइना वातावरण सिर्जना करेपर्ना कहल बा ।
विदेशसे लौटल युवाके सीप, प्रविधि ओ रेमिट्यान्सहे उत्पादनमूक कार्यमे लगैना वातावरण सृजना कैना साथे खुल्ला नाकाहे व्यवस्थित करके अन्तरदेशिय लगायतके आप्रवासनहे सुरक्षित वनाई पर्ना कहल बा ।

जनताके स्वदेशी शेयर पुँजीसे पश्चिम सेती जैसिन जलविधुत ओ भारी भारी सौर्य उर्जामे लगानी कैना व्यवस्था सुनिश्चित करके सार्वजनीक निजी साझेदारीमे योजना संचालनमे ल्याने पर्ना कहल बा ।
ओस्टेक करके जलवायु न्याय ओ वातावरण, सहभागिता ओ सुशासनलगायतके बाट घोषणापत्रमे उठाइल बा । कार्यक्रममे भेलासे निर्वाचि यूवा संजालके संयोजक टेकबहादुर साउद घोषणापत्र सुनाइल रहिट ।

कार्यक्रममे महासंघके केन्द्रीय उपमहासचिव भवराज रेग्मी, किरण थापा, केन्द्रीय सचिव सावित्रा घिमिरेके उपस्थिति रहे ।
उहीसे आघे दुई दिने भेलाके समापन कार्यक्रम गैसस महासंघ प्रदेश अध्यक्ष देवी खनालके अध्यक्षता तथा सुदूरपश्चिम प्रदेश सरकारके सामाजिक विकास समितिके सभापति धर्मराज पाठकक प्रमुख आतिथ्यतामे कार्यक्रम हुइल रहे ।

समापन कार्यक्रममे प्रमुख अतिथि पाठक जेनजी आन्दोलनपाछे यूवाहुकनके भुमिका ढेर उठेलागल बटैलै । अब्बेक यूवाहुक्रे राजनितिक क्षेत्रसंगे हरेक ठाउँमे अइना जरुरी बा । यहाँके यूवा विदेश जैनाफे अपने देशमे कुछ कैना उहाँ आग्रह करलै । कार्यक्रममे उपमहासचिव भवराज रेग्मी, कृषि, बन, पर्यटनमे जोड डेहल रहिट । यूवाहुक्रे अब्बे कुलटमे फस्टी गैल कहटी उहीहे न्यूनिकरण करटी सामाजिक सवाल उठाके आघे बह्रे पर्ना बटैलै ।

यूवा अभियनके केन्द्रीय अध्यक्ष योगेश काफले यूवा सम्मेलन बागमति ओ सुदूरपश्चिम प्रदेशमे हुइल कहटी सक्कु प्रदेशमे करके राष्ट्रिय सम्मेलन कैना जनैलै । भेलापाछे प्रदेश स्तरीय यूवा सजालसे प्रमुख अतिथिहे घोषणापत्र हस्तान्तरण करल रहिट ।

भेलासे प्रदेश स्तरीय यूवा संजाल गठन कैगिल बा । जेकर संयोजकमे टेक साउद, उप संयोजकमे दुर्गा बडुवाल, सदस्य सचिवमे कपिल विष्ट, सदस्यमे लवदेव धामी, महेन्द्र जोशी, चित्रा साहु, बमबहादुर विक, रञ्जना डगौरा, सगीता धामी रहल बटै ।