मोटरसाइकल दुर्घटनामे एक जानेक मृत्यु

पहुरा समाचारदाता
धनगढी, १७ सावन । कैलालीके धनगढी उ.म.न.पा.८ सेतोपुल स्थित सडकमे से ६ प ९७६८ नम्बरके मोटरसाइकल अनियन्त्रित हुके दुर्घटना हुइबेर एक जानेक मृत्यु हुइल बा ।

शनिच्चर रात दुर्घटना हुईबेर मोटरसाइकल पाछे बैठल धनगढी उपमहानगरपालिका–६ बैठना बर्ष २८ के सम्झना चौधरीके शनिच्चर रात मृत्यु हुइल बा ।

दुर्घटनामे गम्भीर घाहिल हुइल उहाँक सेती प्रादेशिका अस्पताल धनगढीमे उपचारके क्रममे मृत्यु हुइल रहे । मोटरसाइकल चालक गोदावरी न.पा.८ बैठना बर्ष ३६ के बिनोद चौधरी गम्भीर घाहिल हुके कैलाली अस्पताल धनगढीमे उपचार हुइटी रहल बा । दुर्घटना सम्बन्धमे प्रहरी अनुसन्धान करटी रहल बा ।