चैतन्य शिक्षक फुटसल प्रतियोगिताक उपाधि सुदूरवेधा, वाल्मिकि उपविजेता

पहुरा समाचारदाता
धनगढी, २६ कुवाँर । चैतन्य पाठशालाके आयोजनामे सञ्चालन हुइल चैतन्य अन्तरविद्यालयस्तरीय शिक्षक फुटसल प्रतियोगिता–२०८३ के उपाधि सुदूरवेधा टिम जिटले बा । प्रतियोगिताके फाइनलमे उत्कृष्ट प्रदर्शन करटी सुदूरभेदासे उपाधि अपन पक्षमे पर्ना सफल हुइल हो । फाइनलमे पराजित वाल्मिकि स्कुल उपविजेतामे सीमित बनल बा ।
टमान २१ विद्यालयके शिक्षकहुकनके सहभागिता रहल प्रतियोगिता लिग चरणसे क्वालिफायर, सेमीफाइनल ओ फाइनलसम आपुग्के प्रतिस्पर्धात्मक ओ रोमाञ्चक बनल रहे । प्रतियोगितामे सहभागी टोलीसे खेल कौशल, टिमवर्क, अनुशासन ओ प्रतिस्पर्धात्मक भावना प्रदर्शन करल रहिट ।

उपाधि जिटलसंगे सुदूरवेधासे नगद ५० हजार रुपैयाँसहित ट्रफी, स्वर्ण पदक ओ प्रमाणपत्र प्राप्त करले बा । ओस्टेक करके, उपविजेता वाल्मिकि स्कुलसे नगद २५ हजार रुपैयाँसहित ट्रफी, पदक ओ प्रमाणपत्र प्राप्त करले बा ।

लिग चरणसे प्रतिस्पर्धात्मक बनल प्रतियोगिता

प्रतियोगिताके पहिल दिन टमान विद्यालयके शिक्षक टोलीबीच खेल सञ्चालन हुइल रहे । पहिल दिन सम्पन्न खेलमध्ये १५ खेलमे विजेता टोलीके टुङ्गो लागल रहे कलेसे उदघाटन खेल सुदूरवेधा ओ वाल्मिकिबीच बराबरीमे सेकल रहे ।

उदघाटन खेलमे दुनु टोलीसे प्रतिस्पर्धात्मक प्रदर्शन करटी गोलके लाग प्रयास करलेसेफे खेल बराबरीमे टुङ्गल रहे । ओकरपाछे हुइल खेलमे भर टमान टोलीसे जित निकरटी प्रतियोगितामे अपन उपस्थिति बल्गर बनाइल रहे ।

पहिल दिनके दुसरा खेलमे नास्टसे विद्या भूषणहे पराजित करल रहे । टिसरा खेलमे सत्यवतीसे एक्सिसहे हराईबेर चौठा खेलमे नेपाल पुलिससे सैनिकहे पराजित करल रहे । पाँचुवा खेलमे नास्टसे गार्डनरहे हरैटी प्रतियोगितामे दुसरा जित दर्ता करल रहे ।

ओस्टेक करके, छैटौँ खेलमे स्टेपिङस चैतन्य ‘ए’ हे पराजित करल रहे । सातौँ खेलमे गार्डनरसे विद्या भूषणहे हराईबेर आठौँ खेलमे एलायन्सस ऐश्वर्यहे जित हासिल करल रहे ।

पहिल दिनके नवौँ खेलमे मयूरसे एरिस्टोहे पराजित करल रहे कलेसे दशौँ खेलमे सिसिएससे सैनिकहे हराइल रहे । एघारौँ खेलमे सत्यवतीसे शैलेश्वरीहे पराजित करटी दुसरा जित हात पारल रहे ।

बाह्रौँ खेलमे सिसिएससे नेपाल पुलिसहे हराईबेर तेह्रौँ खेलमे एलायन्ससे डिलाइटहे पराजित करल रहे । चौधौँ खेलमे मयूरसे डिस्कभरीहे हराइल रहे कलेसे पन्ध्रौँ खेलमे वाल्मिकिसे अपीहे पराजित करटी जित निकारल रहे ।

पहिल दिनके अन्तिम अर्थात् सोह्रौँ खेलमे एक्सिससे शैलेश्वरीहे पराजित करलसंगे पहिल दिनके खेल सम्पन्न हुइल रहे । पहिल दिनके खेल प्रतियोगितामे सहभागी टोलीके प्रतिस्पर्धात्मक क्षमता ओ औरे चरणमे पुग्न सम्भावनाहे थप रोचक बनाइल रहे ।

दुसरा दिनके खेलसे तय करल क्वालिफायरके समीकरण

प्रतियोगिताके दुसरा दिन बिहान लिग चरणअन्तर्गतके खेल सञ्चालन हुइल रहे । उ खेलसे क्वालिफायर चरणमे पुग्न टोलीके समीकरणहे थप स्पष्ट बनाइल रहे ।
दुसरा दिन सम्पन्न खेलमे सुदूरभेदासे अपीहे पराजित करल रहे । ओस्टेक करके, चैतन्य ‘बी’ से चैतन्य ‘ए’ हे हराइल रहे कलेसे एरिस्टोसे डिस्कभरीहे पराजित करल रहे । औरे खेलमे स्टेपिङसे चैतन्य ‘बी’ उप्पर जित हासिल करल रहे ।

लिग चरणके खेल सम्पन्न हुइलपाछे प्रतियोगिता क्वालिफायर चरणमे प्रवेश करल रहे । यी चरणमे स्थान बनाइल टोलीसे सेमीफाइनलमे पुग्न निर्णायक प्रतिस्पर्धा करल रहे ।

क्वालिफायरमे एलायन्स, वाल्मिकि, सुदूरभेदा ओ मयूर सफल

क्वालिफायर चरणके खेलमे एलायन्स, बाल्मिकी, सुदूरवेधा ओ मयूरसे उत्कृष्ट प्रदर्शन करटी सेमिफाइनलमे स्थान सुरक्षित करल रहे ।
क्वालिफायरके पहिल खेलमे एलायन्ससे सत्यवतीहे पराजित करटी सेमिफाइनलके यात्रा तय करल रहे । प्रतिस्पर्धात्मक खेलमे जित निकरटी एलायन्ससे उपाधि यात्राहे आघे बह्राइल रहे ।

ओस्टेक करके, दुसर खेलमे नास्टअ‍े पराजित करटी वाल्मिकि स्कुल सेमिफाइनलमे प्रवेश करल रहे । लिग चरणमे खेलमे अपन क्षमता डेखाइल वाल्मिकिसे क्वालिफायरो समेत जित निकरटी उपाधि दाबेदारी प्रस्तुत करल रहे ।

औरे क्वालिफायर खेलमे सुदूरवेधासे अपन प्रतिस्पर्धी टोलीहे पराजित करटी अन्तिम चारमे स्थान बनाइल रहे । लिग चरणमे समेत प्रभावशाली प्रदर्शन करल सुदूरवेधासे निर्णायक खेलमे जित हासिल करटी उपाधि यात्राहे निरन्तरता डेहल रहे ।

ओस्टेक करके, सिसिएसहे हरैटी मयूरसेफे सेमिफाइनलमे अपन स्थान सुरक्षित करल रहे । यी संगे प्रतियोगिताके सेमिफाइनलमे एलायन्स, वाल्मिकि, सुदूरवेधा ओ मयूरबीच उपाधिके लाग प्रतिस्पर्धा कैना समीकरण बनल रहे ।

सेमिफाइनलपाछे सुदूरवेधा ओ वाल्मिकि फाइनलमे

क्वालिफायर चरण पार करल चार टोलीबीच सेमिफाइनलके खेल सञ्चालन हुइल रहे । सेमिफाइनलमे उत्कृष्ट प्रदर्शन करटी सुदूरवेधा ओ बाल्मिकी स्कुलसे फाइनलमे स्थान सुरक्षित करल रहिट ।

प्रतियोगिताभर उत्कृष्ट खेल प्रदर्शन करटी आइल टोलीमध्ये सुदूरवेधा ओ वाल्मिकि फाइनलमे पुगलपाछे उपाधि भिडन्तहे लेके खेलप्रेमीमे थप उत्साह डेखल रहे । दुनु टोलीसे फाइनलसमके यात्रा तय कैना टमान चरणके प्रतिस्पर्धात्मक खेल पार करल रहिट ।

सुदूरवेधासे लिग चरणस डेखाइल खेल कौशलहे निर्णायक चरणमे समेत निरन्तरता डेहल रहे । वाल्मिकि स्कुलसेफे उत्कृष्ट प्रदर्शन करटी फाइनलसमके यात्रा तय करल रहे ।

फाइनलमे सुदूरवेधाके बाजी, वाल्मिकि उपविजेता

प्रतियोगिताके उपाधिके लाग सुदूरवेधा ओ वाल्मिकी स्कुलबीच फाइनल खेल हुइल रहे । दुनु टोली उपाधि जित्न लक्ष्यसहित मैदानमे उटरल रहिट । फाइनलमे खेलाडीहुकनके तालमेल, पासिङ, बलउप्परके नियन्त्रण ओ गोल कैना प्रयाससे प्रतिस्पर्धाहे थप रोमाञ्चक बनाइल रहे ।

अन्ततः सुदूरवेधा वाल्मिकि स्कुलहे पराजित करटी प्रतियोगिताके उपाधि जित्न सफल रहे । वाल्मिकि स्कुलसे उपाधि जिटे नैसेक्लेसेफे फाइनलसमके यात्रा तय करटी प्रतियोगितामे उत्कृष्ट प्रदर्शन करल रहे ।

शिक्षकबीच सद्भाव ओ सहकार्य अभिवृद्धि कैना उद्देश्य

चैतन्य पाठशालासे आयोजना करल यी प्रतियोगिताके मुख्य उद्देश्य टमान विद्यालयमे कार्यरत शिक्षकबीच आपसी सद्भाव, भाइचारा, सहकार्य ओ खेलकुदप्रतिके रुचि अभिवृद्धि कैना रहल चैतन्य पाठशालाके अध्यक्ष गणेश प्रसाद जोशी बटैलै ।

शिक्षकहुक्रे नियमित रूपमे शिक्षण तथा शैक्षिक गतिविधिमे व्यस्त रना हुइल ओरसे यैसिन खेलकुद प्रतियोगितासे ओइनहे शारीरिक तन्दुरुस्ती कायम रख्न, मानसिक स्फूर्ति बह्रैना ओ सहकर्मीसँग आत्मीय सम्बन्ध विस्तार कैना सहयोग पुगैना अपेक्षा करल बा ।

उहाँ कहलै ‘खेलकुदसे व्यक्तिमे अनुशासन, धैर्य, नेतृत्व क्षमता, सामूहिक भावना ओ स्वस्थ प्रतिस्पर्धाके संस्कार विकास कैना महत्वपूर्ण भूमिका खेलठ । विशेष करके टमान विद्यालयके शिक्षकहुकनहे एक्के मैदानमे सहभागी कराईबेर आपसी परिचय, अनुभव आदानप्रदान ओ सहकार्यके वातावरण निर्माण कैना सहयोग पुगठ ।’

खेलकुदमार्फत एकता ओ सकारात्मक प्रतिस्पर्धाके सन्देश

चैतन्य पाठशालाके आयोजनामे सम्पन्न प्रतियोगितासे खेलकुदहे मनोरञ्जन ओ प्रतिस्पर्धामे केल्ह सीमित नैराखके विद्यालय समुदायबीच एकता, सहकार्य ओ आपसी सम्मान अभिवृद्धि कैना माध्यमके रूपमे स्थापित कैना प्रयास करल पाठशालाके प्राचार्य प्रेमनिधि ओझा बटैलै ।

लिग चरणसे क्वालिफायर, सेमिफाइनल ओ फाइनलसम सहभागी टोलीसे डेखाइल खेलभावना, अनुशासन ओ प्रतिस्पर्धासे प्रतियोगिताहे थप आकर्षक बनाइल ओ प्रतियोगितामे सहभागी खेलाडी, विद्यालय, आयोजक, रेफ्री तथा सहयोगीहुकनके योगदानसे कार्यक्रम सफल बनैना महत्वपूर्ण भूमिका खेलल पाठशालाके निर्देशक कटक बहादुर सिंह बटैलै ।

यी संगे चैतन्य अन्तरविद्यालयस्तरीय शिक्षक फुटसल प्रतियोगिता–२०८३ सफलतापूर्वक सम्पन्न हुइल बा । प्रतियोगितामे सुदूरभेदासे उपाधि जित्टी अपन उत्कृष्टता प्रमाणित करले बा कलेसे बाल्मिकी स्कुल उपविजेता बनल बा ।

विजेता ओ उपविजेता दुनु टोलीहे शुभकामना डेटी शिक्षा तथा सामाजिक क्षेत्रमे उत्कृष्ट कार्य करटी आइल चैतन्य पाठशालासे खेल क्षेत्रमे करल यी प्रयासके लाग पाठशालाहे धन्यवाद डेटी जितहार केक्रो नैहुके सक्र्कु शिक्षकहुकनके जित रहल कैलाली जिल्ला फुटबल सङ्घके अध्यक्ष अनिल मल्ल बटैलै ।