आ आपन देश फर्कटै नेपाली ओ भारतीय
धनगढी, २ जेठ । लम्मा लकडाउनपाछे भारतमे रहल नेपाली ओ नेपालमे रहल भारतीय फर्के लागल बाटै ।
कोरोनाके महामारीपाछे जारी लकडाउनके कारण जे जहाँ बा, ओहै व्यवस्था कर्र्ना नेपाल ओ भारत सरकारबीच हुइल सहमतिपाछे लम्मा समयसम फसल नागरिक आ–आपन देश फर्के लागल हुइट ।
भारत सरकारके आग्रहमे कैलालीमे रहल भारतीय नागरिकहकन भारत पठैना पूरा तयारी हुइल बा । भारतीय दूतावासके आग्रहमे कैलालीके टमान स्थानमे रहल भारतीय नागरिकहुकनके नामावाली संकलन करटी रहल जिल्ला प्रशासन कार्यालय कैलाली उहाँहुकनहे भारत पठैना प्रकृया पूरा करसेकल जनैले बा ।
जिल्ला प्रशासन कार्यालय कैलालीके प्रवक्ता तथा प्रशासकीय अधिकृत शिवराज जोशी आजसम टमान स्थानीय तहमे रहल ८ सयसे ढिउर भारतीयहुकनके नामावली संकलन होसेकल ओ आवश्यक प्रकृया पुरा हुइलपाछे भारत पठैना बटैलै ।
ओस्टके सीमावर्ती भारतीय बजार पलियालगायत बजारमे ४९ से क्वारेन्टाईनमे रहल ४ सय ढिउर नेपालीहुकन फेन शुकके रोज नेपाल प्रवेश करैटी रहल जिल्ला प्रशासन कार्यालय कैलाली जनैले बा ।
