कोरोना आशंकामे ४ जाने सेती प्रादेशिक अस्पतालमे भर्ना
धनगढी, ७ जेठ । कोरोना आशंकामे बुधके रोज ४ जहन क्वारेन्टाइनसे सेती प्रादेशिक अस्पतालके आइसोलेसनमे राखगिल बा ।
सेती प्रादेशिक अस्पतालके सूचना अधिकारी दिलिप श्रेष्ठके अनुसार धनगढीस्थित कैलाली बहुमुखी क्याम्पसके क्वारेन्टाइनमे राखल उहाँहुकन कोरोना आशंकामे आइसोलेसनमे राखगिल हो ।
धनगढी उपमहानगरपालिका १८ के ३० वर्षिय पुरुष, धनगढी उपमहानगरपालिका–८ के २१ वर्षिय ओ धनगढी उपमहानगरपालिका ३ के २८ वर्षिय पुरुषहे आइसोलेसनमे राखगिल बा ।
धनगढी उपमहानगरपालिका १८ के ३० वर्षिय पुरुष ३ महिना आघे भारतसे नेपाल फर्कल रहिट । सुुख्खा खोकी लाग्न समस्या बिल्गाइलपाछे उहाँहे अस्पताल भर्ना करल श्रेष्ठ बटैलै ।
ओस्टके, ४ दिन आघे भारतसे दोदोधरा होके आइल ओ धनगढीके क्वारेन्टाइनमे रहल धनगढी ३ ओ धनगढी ८ के पुरुषमे रगत मिलल हेग्नी लागल ओ पेट पिरैना समस्या बिल्गाइल बा ।
ओस्टके, बैतडी जिल्लाके सिगास गाउँपालिका ३ के २१ बर्षीय पुरुषहे फेन आईसोलेसनमे भर्ना करगिल बा । २ दिनसे जुरी आइल ओ घाटीमे समस्या बिल्गाइलपाछे आईसोलेसनमे भर्ना करल श्रेष्ठ जानकारी डेलै ।
उहाँ ४ जहनके स्वाब संकलन विफेक् रोज हुइना जनािगल बा । यहिसेआघे सेती प्रादेशिक अस्पतालसे ५ जाने कोरोना संक्रमितके उपचार होके घर फर्कल बाटै ।
