प्रभावितहे राहतके लाग लक्ष्मी लघुवित्तसे सहयोग

हसुलिया, २६ जेठ । कोरोना भाइरस सङ्क्रमण रोकथाम ओ प्रभावितहे राहत वितरणके लाग लक्ष्मी लघुवित्त वित्तीय संस्था कैलारी गाउँपालिकाहे नगद सहयोग करले बा ।
लघुवित्तसे गाउँपालिकाहे १० हजार रुपैयाँ सहयोग करल हो । संस्थाके शाखा प्रबन्धक सदावीर चौधरी आज गाउँपालिकाके अध्यक्ष लाजुराम चौधरीहे सहयोग रकम हस्तान्तरण करल गाउँपालिकाके कर्मचारी रविन्द्रकुमार चौधरी जानकारी डेलै । उ अवसरमे गाउँपालिकाके उपाध्यक्ष लक्ष्मी सत्गौंवा, वडा नम्बर ३ के वडा अध्यक्ष कैलाश चौधरी लगायतके उपस्थिति रहल रहे ।
कैलारी गाउँपालिकास्थित क्वारेन्टाइनमे बैठल व्यक्तिहे खानाके जोहो कैना फेन गाउँपालिकाहे समस्या हुइल बा । गाउँपालिकाके कार्यालयसे क्वारेन्टाइनमे बैठलहुक्रनके लाग खाद्यान्न सहयोग कैना फेन सहयोगी निकायहे अपिल करले बा । क्वारेन्टाइनमे मनैनके चाप बह्रटी गैल बा ।