प्रधानमन्त्री स्वरोजगार कार्यक्रम अन्तर्गत सडक निर्माण

पहुरा समाचारदाता
हसुलिया, १ असार । कैलालीस्थित कैलारी गाउँपालिकाके टमान वडामे सडक निर्माणके कार्य हुइटी बा ।
प्रधानमन्त्री स्वरोजगार कार्यक्रम अन्तर्गत वडामे सडक निर्माणके कार्य करे लागल हो ।
बन्दाबन्दी ओ कोरोना भाइरसके कारण समस्यामे परलहे ज्यालादारीके काममे लगाइल गाउँपालिकाके प्रवक्ता कमलप्रसाद
चौधरी जानकारी डेलै ।
‘प्रतिव्यक्तिहे दैनिक ५०७ रुपैयाँ ज्याला डेना मेरके काममे लगैले बाटी,’ उहाँ कहलै । गैल बरस देशभर प्रधानमन्त्री स्वरोजगार कार्यक्रम प्रभावकारी नाइ हुइल कहटी आलोचना हुइल रहे । कतिपय ठाउँमे छाडा चौपाया भगैना ओ सडकके झारपात उखर्ना कार्यमे यी कार्यक्रम सीमित बनल रहे ।
मने, कैलारी गाउँपालिका कार्यक्रम अन्तर्गत यी बरस सडक बनैना कार्यहे आघे बह्राइल प्रवक्ता चौधरी बटैलै । यिहीसे ग्रामीण क्षेत्रके विकासमे सहयोग पुग्ना ओ श्रमके सम्मान फेन हुइना बटाइल बा ।