सुदूरपश्चिममे थप ६८ जनहनमे कोरोना पुष्टि

धनगढी, १ असार । सुदूरपश्चिममे आज सोम्मार ६८ जनहनमे कोरोना पुष्टि हुइल बा ।
धनगढीस्थित कोरोना परीक्षण प्रयोगशालामे थप ६८ जनहनमे कोरोना पुष्टि हुइल हो । २४ घण्टामे थपल यी संख्या हालसमके उच्च हो । तीन जने महिला ओ ६५ जने पुरुषमे संक्रमण पुष्टि हुइल सेती प्रादेशिक अस्पतालके सूचना अधिकारी दिलिप श्रेष्ठ बटैलै । उहाँ कैलालीके १३, कंचनपुर ११, बैतडी २१, डोटीका २०, ओ अछामके ३ जनहनमे कोरोना पुष्टि हुइल हो ।
यी संगे सुदूरपश्चिममे संक्रमितके संख्या ३३२ पुगल बा । अब्बेसम सबसे ढिउर कैलालीके ९३ जने, कञ्चनपुरमे ६६, डडेल्धुरामे ३९, डोटीके ३७, बैतडीमे २७, अछामके २२, बाजुराके २१, बझाङमे १४ ओ दार्चुलामे १२ जनहनमे कोरोना पुष्टि हुइल बा । पुष्टि हुइल दुई जनहनके मृत्यु होसेकल बा कलेसे २१ जने चोखाके घर जासेकल बाटै ।