थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २३ अगहन २६४६, शुक्कर ]
[ वि.सं २३ मंसिर २०७९, शुक्रबार ]
[ 09 Dec 2022, Friday ]

ह्याण्ड स्यानेटाइजर निर्माण सम्बन्धी तालिम सुरु

पहुरा | ३ असार २०७७, बुधबार
ह्याण्ड स्यानेटाइजर निर्माण सम्बन्धी तालिम सुरु

पहुरा समाचारदाता
धनगढी, ३ असार ।
धनगढीमे महिलाहुकन ह्याण्ड स्यानेटाइजर निर्माण सम्बन्धी तालिम शुरु हुइल बा ।
‘बजार माग अनुसारके वस्तु उत्पादन’ अन्तर्गत सभा नेपाल, फिल्ड कार्यालय कैलालीके आयोजना तथा यूएन ओमन÷च्यानल फाउण्डेशनके सहयोगमे दुई दिने ह्याण्ड स्यानेटाइजर निर्माण सम्बन्धी तालिम सुरु हुइल हो ।
अब्बे विश्व कोरोना भाइरस (कोभिड–१९) के महामारीमे रहल ओरसे संस्थासे सुरक्षा मापदण्ड अपनैटी तालिम शुरु करल जनागिल बा । तालिममे धनगढीके टमान स्थानके २५ जाने सहभागी रहल बाटै । संस्था १२/१३ जहनके सहभागिता कराके दुई समूहमे तालिम प्रदान करटीरहल सभा नेपालके जिल्ला संयोजक दलबहादुर ओली बटैलै । उहाँहुकनहे भीम शर्मा ओ लक्ष्मण चौधरी प्रशिक्षण डेटी बाटै ।
तालिमके उद्घाटन करटी धनगढी उपमहानगरपालिकाके नगर उपप्रमुख सुशीला मिश्र भट्ट अब्बे बजारके माग मास्क, ह्याण्ड स्यानेटाइजर लगायतके रहल बा । उहाँ कहली– ‘उपमहानगरपालिकाभित्रे एक ह्याण्ड स्यानेटाइजर, मास्क लगायतके उत्पादन करना कम्पनी स्थापना करना नीति तथा कार्यक्रममे उल्लेख करना सोच बनैले बा ।’ उहाँ अब्बे स्वदेशमे अइसिन मेरिक उत्पादन नैहुके बाहेरसे खरिद कैके आपूर्ति करेपरना अवस्था रहल बटैली । उहाँ कहली– ‘यहोरे उत्पादन करे सेक्लेसे यहाँक मनै रोजगार फेन करे सेकजाइ ओ बाहेर जैना रकम फेन रोके सेकजाइ ।’
धनगढी उपमहानगरपालिकाके सामुदायिक विकास शाखा प्रमुख टंक विष्टके अध्यक्षतामे हुइल कार्यक्रममे सभा नेपालके जिल्ला संयोजक दलबहादुर ओली संस्थासे धनगढी उपमहानगरपालिका, गोदावरी ओ गौरीगंगा नगरपालिकामे काम करटी जानकारी डेलै । उहाँक् अनुसार संस्था एक सय ७५ महिलाहे मास्क, पिपिइ, ह्याण्ड स्यानेटाइजर ओ सावुन उत्पादन करना तालिम डेटीरहल बा ।

जनाअवजको टिप्पणीहरू