अपांगता रहल व्यक्तिनहे घेटरु वितरण

पहुरा समाचारदाता
हसुलिया, ३ असार । कैलारी गाउँपालिका–५ स्थित बैजपुरके अपांगता रहल व्यक्तिनहे घेटरु वितरण करल बा ।
अपांगता रहल व्यक्तिहुकनके जीवनयापनमे सहयोग पुगैना उद्देश्यसे अपांगता सर्वाङगिन विकास सेवा संघ नेपालसे घेटरु वितरण करल हो । जीवनयापन अभिवृद्धि कार्यक्रम अन्तर्गत १० जनहनहे घेटरु वितरण करल कैलारी गाउँपालिकाके प्रवक्ता कमलप्रसाद चौधरी जानकारी डेलै ।
सन्तराम चौधरीके अध्यक्षतामे हुइल कार्यक्रममे उ सस्थाके ज्योति चौधरी, अपांगता रहल व्यक्ति तथा ओइनके परिवार लगायतके उपस्थिति रहल रहे ।