रोदन मेडिकलसे बालगृहहे खाद्यन्न सहयोग

पहुरा समाचारदाता
धनगढी, ३ असार । धनगढी उपमहानगर पालिकाका वडा नं. ८ स्थित रोदन मेडिकलके सञ्चालिका प्रतिभा चौधरी अपन जन्म दिनके अवसरमे परिवार बालगृहहे खाद्यन्न सहयोग करले बाटी ।
बन्दाबन्दीके बेला टमान ठाउँमे सहयोग करटी आइल उहाँ यी वर्षके जन्मदिन परिवार बालगृहहे खाद्यन्न सहयोग करके मनाइल हुइट । उहाँ १ कुन्टल चाउर ओ ५० किलो प्याज सहयोग करली ।
और वर्ष घरपरिवारसंगे बैठके जन्मदिनके खुशियाली करके मनैना करल बटैटी उहाँ कहली, यी साल बालगृहके बच्चासंग खुशी साटके जन्मदिन मनाइल बटैली । कुछ महिना आघे उहाँक छाई रोदन चौधरीफे अपन जन्मदिन बालगृहमे मनाइल रहिट ।
दुख पाइल बालबालिकाहुकनहे सहयोग करे पाके बेग्लै आनन्द हुइना करल उहाँ बटैली । उहाँ विगत नम्मा समयसे टमान अवसर पारके सामाजिक काम सहयोग करटी आइल बाटी ।