थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ सावन २६४६, अत्वार ]
[ वि.सं २९ श्रावण २०७९, आईतवार ]
[ 14 Aug 2022, Sunday ]

क्वारेन्टाइनमे बैठलहुकनके लाग खाद्यान्न सहयोग

पहुरा | ५ असार २०७७, शुक्रबार
क्वारेन्टाइनमे बैठलहुकनके लाग खाद्यान्न सहयोग

पहुरा समाचारदाता
हसुलिया, ५ असार ।
कैलारी उद्योग वाणिज्य संघ ओ ज्योति विकास बैंक हसुलिया शाखासे क्वारेन्टाइनमे बैठलहुकनके लाग खाद्यान्न सहयोग करले बा ।
कैलारी गाउँपालिकास्थित सम्पूर्ण वडामे क्वारेन्टाइनमे बैठलहुकनहे खाना खवाइक लाग सहयोग करल हो । कैलारी उद्योग वाणिज्य संघो पहलमे हसुलिया बजार व्वस्थापन समितिसे ५३ हजार, पवेरासे ३० हजार, मोहनी बजारसे १५ हजार, गदरियासे ६ हजार ओ गौरीगणेश सामुदायिक वन उपभोक्ता समूहसे आठ हजार रुपैयाँ सहयोग करल रहे ।
कुल संकलित एक लाख १३ हजार रुपैयाँँसे २७ क्वीन्टल चामल खरिद करके संघसे गाउँपालिकाहे डेले बा । कैलारी उद्योग वाणिज्य संघ हसुलियाके अध्यक्ष नेपालु चौधरी गाउँपालिकाके अध्यक्ष लाजुराम चौधरीहे खाद्यान्न हस्तान्तरण करलै । उ क्रममे गाउँपालिकाके उपाध्यक्ष लक्ष्मी सत्गौवाकेफे उपस्थिति रहल रहे ।
ओस्टेक करके, ज्योति विकास बैंकसे १० हजार ४०० रुपैयाँ बराबरके खाद्यान्न सहयोग करले बा । उ बैंकसे १२५ केजी चामल, नून ओ दाल १०/१० केजी, एक पेटी खैना तेल ओ पाँच पोका चिउरा सहयोग करल गाउँपालिकाके कर्मचारी रविन्द्रकुमार चौधरी जानकारी डेलै ।
बैंकके कर्माचारी प्रकाशदत्त जोशी गाउँपालिकाके अध्यक्ष चौधरीहे उ खाद्यान्न सहयोग करलै ।

जनाअवजको टिप्पणीहरू