थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २१ अगहन २६४६, बुध ]
[ वि.सं २१ मंसिर २०७९, बुधबार ]
[ 07 Dec 2022, Wednesday ]

गोदावरी नगरपालिका ‘पूर्ण लकडाउन’

पहुरा | ७ असार २०७७, आईतवार
गोदावरी नगरपालिका ‘पूर्ण लकडाउन’

धनगढी, ७ असार । कैलालीके गोदावरी नगरपालिकासे शनिच्चरसे फेरसे पूर्ण रुपमे लकडाउन करले बा । कोरोना संक्रमण तीव्र रुपमे फैले सेक्ना अनुमान करटी रोकथाम ओ न्यूनीकरणके लाग पूर्ण रुपमे लकडाउन करल नगरपालिकाके मेयर हरिसिंह साउद जानकारी डेलै ।
असार ६ गतेसे दुसर सूचना जारी नइहुइटसमके लाग नगरपालिकाभिटर पूर्ण रुपमे लकडाउन लागू करलफे मेयर साउँद बटैलै ।
मेयर साउँदसे सक्कु बजार क्षेत्र बन्द करल ओ अत्यावश्यक सेवा ओ कार्यालयके आन्तरिक कामबाहेक और सक्कु सेवा बन्द करल जानकारी डेलै । ओस्टेक समूह बनाके नेंगे नइपैना ओ नगरपालिकाभिटर रहल सक्कु बैंक तथा वित्तीय संस्था बन्द करलफे उहाँ जानकारी डेलै ।
संक्रमण बहैटी गैल ओ एक जनेक मृत्युसमेत हुइल घटनाहे मध्यनजर करके लकडाउन करल मेयर साउँद बटैलै । गोदावरी नगरपालिका वडा नम्बर ७ के ४६ वर्षीय पुरुषके बुधके मृत्यु हुइल रहे । नगरपालिकामे हालसम वडा अध्यक्षसहित ९ जनहनमे कोरोना पुष्टि हुइल बा ।

जनाअवजको टिप्पणीहरू