कर्णालीमे ठप्लै ११ जाने कोरोना संक्रमित

सुर्खेत, ७ असार । कर्णाली प्रदेशमे पछिल्का २४ घण्टामे थप ११ जनहनमे कोरोना भाइरस (कोभिड(१९)के संक्रमण पुष्टि हुइल बा ।
सुर्खेतस्थित प्रदेश अस्पताल, पशुपन्छी रोग अन्वेषण केन्द्र ओ राप्ती स्वास्थ्य विज्ञान प्रतिष्ठान दाङके प्रयोगशालमे हुइल परीक्षणसे अँटवार ११ जनहनमे कोरोना पुष्टि हुइल हो ।
थपल संक्रमितमध्ये सल्यानके ६, दैलेखके ओ सुर्खेतके २÷२ जाने ओ रुकुम पश्चिमके १ जाने रहल सामाजिक विकास मन्त्रालयके स्वास्थ्य सेवा महाशाखा प्रमुख डा. लक्ष्मीनारायण तिवारी पुष्टि करलै । यी संगे कर्णालीमे संक्रमितके संख्या १२५६ पुगल बा ।
कर्णालीमे अँटवार १४ जाने कोरोना संक्रमित डिस्चार्ज हुइल बाटै । प्रदेश अस्पताल सुर्खेतके आसोलेसनसे ३ जाने, सल्यान बहुमुखी क्याम्पसके आसोलेनसे ३ जाने, दैलेख नौमुलेके आसोलेसनसे ७ जाने ओ जाजरकोट अस्पतालके आसोलेसनसे एकजाने करके १४ जाने डिस्चार्ज हुइल हुइट । यी संगे कर्णालीमे डिस्चार्ज हुइलके संख्या ५३१ पुगल बा । हालसम ४ जनेक मृत्यु हुसेकल बा ।