डाक्टर गोविन्द केसी बाजुरामे निःशुल्क सेवा

बाजुरा, ७ असार । चिकित्सा क्षेत्र सुधारके अभियन्ता डाक्टर गोविन्द केसी बाजुरा पुगल बाटै । दुई महिना डडेल्धुरा अस्पतालमे निःशुल्क सेवा कैके अन्य पहाडी जिल्ला घुम्ना क्रममे उहाँ बाजुरा पुगल हुइट । डाक्टर केसी एक हप्ता बाजुरा बैठ्ना जनाइल बा ।
डाक्टर केसी यिहीसे आघे बझाङ, दार्चुला, बैतडी लगायतके जिल्लामे पुगके सेवा डेसेकल बाटै । बाजुरा रहेबर उहाँ समग्र जिल्लाके स्वास्थ्य अवस्थाके बारेम बुझ्नाके साथे बिरामीके उपचार समेत कैना जिल्ला अस्पताल बाजुराके डा. रुपचन्द्र बिश्वकर्मा बटैलै ।
बेलाबेलामे मेडिकल माफिया, नेपालके स्वास्थ्य क्षेत्रमे हुइल दुराचार, अवैध तथा अनियमित व्यवस्थाके विरोध तथा मेडीकल कलेज खोल्न माग करटी आइल उहाँ १७औं चो अनसन बैठ् डडेल्धुरा पुगल रहिट ।
गत कार्तिक १८ गते डडेल्धुरा पुगके अनसन बैठल बेला उहाँ चिकित्सा शिक्षा ऐनमे संशोधन, अरबौंके ठगी करुइया मेडिकल कलेजके सञ्चालकहे कारवाही ओ सुदूरपश्चिमके डोटी, डडेल्धुरामे मेडिकल कलेजके माग राखल रहिट । मने कालापानी, लिपुलेख ओ लिम्पियाधुरा सीमा विवादके कारण उहाँ सत्याग्रह कार्तिक २६ गते ९औं दिनमे स्थागित हुइल रहे ।
गोविन्द केसी बाजुरा बैठट्सम उहाँ निःशुल्क सेवा डेना हुइल बाटै । बाजुराके शिक्षा तथा स्वास्थ्यके अवस्था दयनिय रहल बा । केसीसे बाजुरा पुगके जिल्ला अस्पताल बाजुराके भौतिक पुर्वाधारके अवस्थाके फेन अनुगमन करले बाटै ।