सुदूरपश्चिममे थप एक पीसीआर मेसीन

पुहरा समाचारदाता
धनगढी, ७ असार । सुदूरपश्चिममे कोरोना परिक्षणके लाग थप एक पीसीआर मेसीन पुगल बा ।
डडेल्धुरामे जडान हुइना उक्त मेसीन अँट्वारके अत्तरिया पुगल हो । ह्युमानिटी फाउन्डेसन नेपालसे खरिद करल पिसिआर मेसिन काठमाडौंसे ट्रक मार्फत लानल हो । शुकके काठमाडौंसे ट्रकमार्फत पठाइल मेसिन अँट्वारके अत्तरिया पुगल हो । उ मेसिन डडेल्धुरा पठैना उद्योग बाणिज्य तथा आपुर्ती मन्त्री लेखराज भट्टके स्वकिय सचिव हितेष ओझा जानकारी डेलै ।
फाउन्डेसनसे सुदूरपश्चिम तथा विदेशमा बैठ्टी आइल समाजसेवी, व्यापारी, वुद्धिजीवी लगायतके दाताहुक्रनसे संकलन करल रकमसे खरिद करल हो ।
पिसीआर मेसिन खरिदमे फाउन्डेसनसे अगुवाइ करलेसे फेन उद्योग वाणिज्य तथा आपूर्ति मन्त्री लेखराज भट्ट सहजीकरण एवं समन्वय करल ह्युमानिटी फाउन्डेसन नेपालके अध्यक्ष श्याम तायल जानकारी डेलै । उक्त पिसिआर मेसिन डडेल्धुरा अस्पतालहे हस्तान्तरण करजैना बा ।

#CoronaVirus
#Coved-19